الأربعاء، 29 أكتوبر، 2008

فـاش ..كول ..فـر..كش ..أوي


فشكله ... وفركشه..
الفشكله ...تسبق الفركشه ..بمراحل
ذلك في عالم التهوين ( التدوين ) .
 يعني ايه فشكول ؟ ...يعني ايه مدونه؟
 يعني ايه فركشاوي ؟  يعني ايه اي أسم ..
 اياكم حد يزعل او يزهق ...يسيبني بتكلم مع نفس كده ويمشي ..
أزعل منه وأخاصمه
 اسمعوني ..و افهموني ..واعرفوني ..
 قدرا او بالصدفه وانا بتمشي كده بين المدونات
 قابلني  فشكول ,,, غوووول والله ..اترعبت 
 استعدت انفاسي واستجمعت قواي ...ورحت داخل عليه ..
 لقيت نفسي بغوص ... وأغوص أعماق داخل أعماق.
 وايه في كل غوصه ...حكايه ورا الكلمه ..وانا غايص..
 لقيت نفسي تحت تحت تحت ...خالص
 هايص ولايص ..اعمل ايه ؟
 خلاص مابقاش فيه نفس ...نفسي اتكتم خالص ح اموت ....
 وروحي تطلع ...وماله ما تطلع ..بس تروح فين ؟
 هي كمان ح تفطس ...افطس انا ماشي ..ومالووو
 تفطس روحي كمان ...لالا..لالا ..لأ
 مشكله كبيره مكلبشه فيه وكاتمه علي نفسي ..
 مسك ...عم فشكول الحكايه من اولها ...وفشكلها..فشكله.
 و طلعت من الأعماق ..بقوه دفع عاليه وغاليه قوي ..
 حرمت اغوص تاني ...وانزل في الاعماق ...
 خلاني ...ابقي زيه كده كل الي يحاول يروح الاعماق..
 افركشه ...
 اوعي تفكر تغوص في الأعماق ...خليك كده طفيان أو طفشان
وعيش كده غلبان جعان .. أحسن 
 و شوف الكحيان ح يقول ايه بقي ف الكلام المفشكل
 والمفركش ده ...ربنا يستر .....

Blogger الكحيان يقول...

تخيل أن لديك حبا تكسوه قشرة عنيدة تحول دون استمتاعك بأكله والتلذذ به، فماذا ستفعل ؟ بلا شك ستغمز الحب بيدك وتحكه وتعركه حتى يتفتت ويتقشر، ثم تنفخ القشر فيتناثر في الهواء كالهباء، لتستمتع أنت بعد ذللك بالحب وتطحنه بضروسك طحنا، هذا بالضبط ما يوحي به اسم فركشاوي من وجهة نظري - التي قد تكون باطلة- ففركشاوي من قولهم فرك الشيء أي فتته حتى يذهب عنه قشره و المقطع (اوي) تلحقه العامة بالأسماء من أجل أن يتحقق النسب مثل: فركشاوي وزعبلاوي ومحلاوي ...إلخ ونحن نتوسم في فركشاوي أن يطحن ويقشر ويعري الحبوب وينفخ غشاءها بعيدا لينعشنا بالكشف والتجلية عن الحقائق، أما كلمة ناوي فهذه لابد أن يكون بعدها كلام محذوف. فإلام ينوي فركشاوي؟ هل هو ناو على خير أم على شر ؟ هذا ما سنعرفه من تدويناته القادمة مع تحياتي .

30 أكتوبر, 2008 06:03 م

أخي الكحيان بارك الله فيه وزاده من النعيم .وضح لنا المعني كما يري في الفركشه..وكمان راح يوضح لنا ايضا الفشكله ...وبالمره الكحينه 

حذف



 


الاثنين، 27 أكتوبر، 2008


Blogger ahmed al-sabbagh يقول...

اهلا ومرحبا بيك فى عالم التدوين ولو انك شكلك مدون قديم :)
منتظرين موضوعاتك الجامدة 
أحمد

27 أكتوبر, 2008 08:43 ص

حذف
Blogger elsha3er يقول...

اهلا بيك انت اؤمر وانا انفذ شوف اللى نفسك فية وانا اساعدك

احمد الشاعر

27 أكتوبر, 2008 08:44 ص

حذف
Blogger ماما أمولة يقول...

اهلا يا فركشاوي

ياترى ناوي على ايه

نورت التدوين

27 أكتوبر, 2008 08:48 ص

حذف
Blogger صدى الصمت يقول...

أكيد هنقف جنبك و نشجعك بس إنت يلا إكتب حاجة نقراها
ملحوظة :
ياريت تلغى تأكيد الكلمة التى تراها عند بعت تعليق عشان يكون التعليق عندك أسهل كتيير
فى إنتظار كتاباتك

27 أكتوبر, 2008 08:51 ص

حذف
Blogger mohamed ghalia يقول...

فى إنتظارك 
وفى إنتظار مواضيعك
تحياتى
وبالتوفيق

27 أكتوبر, 2008 09:08 ص

حذف
Blogger رندا يقول...

نورت مدونتى المتواضعة 
واهلا ومرحبا بيك معانا فى العالم الافتراضى 

وانتظرك فى بوست قادم ان شاء الله 
لكى نتعرف عليك اكثر
من بين سطورك 

تحياتى وتقديرى 


رندا

27 أكتوبر, 2008 10:17 ص

حذف
Blogger fashkool يقول...

ازيك يا فركشاوى .. يا ترى هو توارد خواطر بين فشكول وفركشاوى .. ويا ترى ناوى على ايه .. اهلا بك فى عالم التروين.

   كلام كتير ...وكتير قوي بوووممممم

دول أحلي ناس وأول ناس يقابلوني في عالمي الجديد ...عالم التدوين ...ولو أني أحب اسميه عالم ...التهوين 

 لو واحد سألني ليه ...ها أقول بيهون علينا كتير .

  وكل واحد من الحلوين دول له معايا حكايا ..مش عارف ابتدي منين ..

  ولا حد يزعل ...حادي بادي سيدي محمد ...أحمد الصباغ.

   طبعا اي واحد يدخل العالم ده ولا يمر علي عمي احمد يبقي ولا حاجه ..

   حضرتك بترحب وانا سعيد جدا بترحيبك..ومنتظرموضوعاتي الجامده ..لكن 

  موضوعاتي مش جامده زي موضوعاتك ...انا علي قدي ..وبذكائك لاحظت اني

 مدون قديم ...ولان هذا العالم يحلو فيه الكذب و الأفتراء ح قول لحضرتك انك اصبت

 فيما قلت و مش قديم وبس دا ..اقدم من جزمه جرابيع الشوارع ..شكرا لك سيدي.

  الشـــــــــاعر: عمنا الامر لصاحب الامر وكل الي بتمناه نبقي حبايب وقرايب ..علي 

  فكره انا شامم فيك ريحه بلدنا ..ريحه الروح القديمه والاخلاق العظيمه الي اندثرت ..

  في الايام الحلوه دي ..ربنا يخليك لينا ويبارك لك ...بس انت شاعر بأيه ؟

   ماما أموله : بجد مش قادر أقولك ناوي علي ايه ؟ لكن حضرتك تلاقي الاجابه علي ...بروv يل

  فركشاوي ...وياريت تساعدوني في تصوير فركشاوي ...كل المصورين الي راحو يصوره 

  ولا واحد منهم نفع ...كان بيفركشهم من آلاتهم و فرشهم ولوحاتهم ...عالم التدوين عايز 50 شمس 

 علشان تنوره ...قوووم ح انوره انا ..الله ينور عليكي.

  صدي الصمت : انا متأكد من الوقوف بجانبي بشرط بلاش الصمت ...وخلي الصدي يعلي

  ويعلي اكتر من كده ...قولوا لي ...اشيلها ازاي البتاعه دي ...ما هي فالقاني انا كمان ..

  خلي احمد الصباغ يقولنا ...شكرا صدي ..

 محمد جهاليا : آسف لو كتبتها غلط ..الانتظار وحش يا عمي محمد ...لكن ان شاء الله الانتظار

  مش ح يطول ..ولك تحيتي وربنا يوفقني و يوفقك ...

  رندا : مدونتك جميله و جميله جدا بلا

 مجامله ...ونحن لسنا في العالم

 الأفتراضي ...نحن علي 

  أرض الواقع ...و الدليل اننا نهرب

 من الوقائع ..ونجري علي العالم 

الافتراضي ..

  لك كل الود ...وسوف تتعرفين علي

 فركشاوي ...أكثر من خلال ...حبيبـــــي الحبيب..

    :fashkool

FARKASHAWE

 بسم الله أول الكلام 
 والحمد لله ...علي كل حال.
أخوكم ...فركشاوي ...ناوي.
يصحابكم ..ويقضي معاكم بعض الوقت ..
ممكن تستقبلوه ؟ و تساعدوه ؟