الأربعاء، 29 أكتوبر، 2008

فـاش ..كول ..فـر..كش ..أوي


فشكله ... وفركشه..
الفشكله ...تسبق الفركشه ..بمراحل
ذلك في عالم التهوين ( التدوين ) .
 يعني ايه فشكول ؟ ...يعني ايه مدونه؟
 يعني ايه فركشاوي ؟  يعني ايه اي أسم ..
 اياكم حد يزعل او يزهق ...يسيبني بتكلم مع نفس كده ويمشي ..
أزعل منه وأخاصمه
 اسمعوني ..و افهموني ..واعرفوني ..
 قدرا او بالصدفه وانا بتمشي كده بين المدونات
 قابلني  فشكول ,,, غوووول والله ..اترعبت 
 استعدت انفاسي واستجمعت قواي ...ورحت داخل عليه ..
 لقيت نفسي بغوص ... وأغوص أعماق داخل أعماق.
 وايه في كل غوصه ...حكايه ورا الكلمه ..وانا غايص..
 لقيت نفسي تحت تحت تحت ...خالص
 هايص ولايص ..اعمل ايه ؟
 خلاص مابقاش فيه نفس ...نفسي اتكتم خالص ح اموت ....
 وروحي تطلع ...وماله ما تطلع ..بس تروح فين ؟
 هي كمان ح تفطس ...افطس انا ماشي ..ومالووو
 تفطس روحي كمان ...لالا..لالا ..لأ
 مشكله كبيره مكلبشه فيه وكاتمه علي نفسي ..
 مسك ...عم فشكول الحكايه من اولها ...وفشكلها..فشكله.
 و طلعت من الأعماق ..بقوه دفع عاليه وغاليه قوي ..
 حرمت اغوص تاني ...وانزل في الاعماق ...
 خلاني ...ابقي زيه كده كل الي يحاول يروح الاعماق..
 افركشه ...
 اوعي تفكر تغوص في الأعماق ...خليك كده طفيان أو طفشان
وعيش كده غلبان جعان .. أحسن 
 و شوف الكحيان ح يقول ايه بقي ف الكلام المفشكل
 والمفركش ده ...ربنا يستر .....

Blogger الكحيان يقول...

تخيل أن لديك حبا تكسوه قشرة عنيدة تحول دون استمتاعك بأكله والتلذذ به، فماذا ستفعل ؟ بلا شك ستغمز الحب بيدك وتحكه وتعركه حتى يتفتت ويتقشر، ثم تنفخ القشر فيتناثر في الهواء كالهباء، لتستمتع أنت بعد ذللك بالحب وتطحنه بضروسك طحنا، هذا بالضبط ما يوحي به اسم فركشاوي من وجهة نظري - التي قد تكون باطلة- ففركشاوي من قولهم فرك الشيء أي فتته حتى يذهب عنه قشره و المقطع (اوي) تلحقه العامة بالأسماء من أجل أن يتحقق النسب مثل: فركشاوي وزعبلاوي ومحلاوي ...إلخ ونحن نتوسم في فركشاوي أن يطحن ويقشر ويعري الحبوب وينفخ غشاءها بعيدا لينعشنا بالكشف والتجلية عن الحقائق، أما كلمة ناوي فهذه لابد أن يكون بعدها كلام محذوف. فإلام ينوي فركشاوي؟ هل هو ناو على خير أم على شر ؟ هذا ما سنعرفه من تدويناته القادمة مع تحياتي .

30 أكتوبر, 2008 06:03 م

أخي الكحيان بارك الله فيه وزاده من النعيم .وضح لنا المعني كما يري في الفركشه..وكمان راح يوضح لنا ايضا الفشكله ...وبالمره الكحينه 

حذف



 


هناك 18 تعليقًا:

القلم السكندري يقول...

طيب حمد لله علي سلامة الطفو مرة أخري



بس ليه حالف تفرق كل اتنين؟؟

رئيس التحرير: يقول...

معلهش يا فركشاوي ...انت ناوي وانا ناوي..وغاوي بقي..كلام ايه دا؟ ...عايز تقول ايه ؟ بلاش والنبي فركشه ..انا بصراحه بحب فشكول ومنتظره هو الي يقول ..انت ايه ؟

حياتي كلها لله يقول...

السلام عليكم

بالرغم من إن يفهمت قليل قوي من اللي قلته .بس حمد الله علي السلامة و أهلا بيك

تحياتي
د/سلمي

ماما أمولة يقول...

مين الكحيان دا ؟

انت اصلا عايز ايه؟

Bondok يقول...

والله انا قرأت الكلام و قلقت على نفسي
و بعدين شفت التغليقات اطمنت اني سليم الحمد لله
لقيت محدش فهم حاجه زيي
بس عندي احساس بالقلق
و حاسس ان الي جي اصعب
ربنا يستر

الكحيان يقول...

تخيل أن لديك حبا تكسوه قشرة عنيدة تحول دون استمتاعك بأكله والتلذذ به، فماذا ستفعل ؟ بلا شك ستغمز الحب بيدك وتحكه وتعركه حتى يتفتت ويتقشر، ثم تنفخ القشر فيتناثر في الهواء كالهباء، لتستمتع أنت بعد ذللك بالحب وتطحنه بضروسك طحنا، هذا بالضبط ما يوحي به اسم فركشاوي من وجهة نظري - التي قد تكون باطلة- ففركشاوي من قولهم فرك الشيء أي فتته حتى يذهب عنه قشره و المقطع (اوي) تلحقه العامة بالأسماء من أجل أن يتحقق النسب مثل: فركشاوي وزعبلاوي ومحلاوي ...إلخ ونحن نتوسم في فركشاوي أن يطحن ويقشر ويعري الحبوب وينفخ غشاءها بعيدا لينعشنا بالكشف والتجلية عن الحقائق، أما كلمة ناوي فهذه لابد أن يكون بعدها كلام محذوف. فإلام ينوي فركشاوي؟ هل هو ناو على خير أم على شر ؟ هذا ما سنعرفه من تدويناته القادمة مع تحياتي .

الكحيان يقول...

تخيل أن لديك حبا تكسوه قشرة عنيدة تحول دون استمتاعك بأكله والتلذذ به، فماذا ستفعل ؟ بلا شك ستغمز الحب بيدك وتحكه وتعركه حتى يتفتت ويتقشر، ثم تنفخ القشر فيتناثر في الهواء كالهباء، لتستمتع أنت بعد ذللك بالحب وتطحنه بضروسك طحنا، هذا بالضبط ما يوحي به اسم فركشاوي من وجهة نظري - التي قد تكون باطلة- ففركشاوي من قولهم فرك الشيء أي فتته حتى يذهب عنه قشره و المقطع (اوي) تلحقه العامة بالأسماء من أجل أن يتحقق النسب مثل: فركشاوي وزعبلاوي ومحلاوي ...إلخ ونحن نتوسم في فركشاوي أن يطحن ويقشر ويعري الحبوب وينفخ غشاءها بعيدا لينعشنا بالكشف والتجلية عن الحقائق، أما كلمة ناوي فهذه لابد أن يكون بعدها كلام محذوف. فإلام ينوي فركشاوي؟ هل هو ناو على خير أم على شر ؟ هذا ما سنعرفه من تدويناته القادمة مع تحياتي .

م/ الحسيني لزومي يقول...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي

كـــيــــــــارا يقول...

الف مبروك للمدونه واسفه اني باركتلك في الاول

ثانيا خد العنوان براحتك مقاضاه ايه احنا كلنا بنستفيد من بعض

وثالثا

فهمي لفركشاوي انك هتنفض للوحش وتكبر دماغك منه وهتتمسك باللي انت شيفه صح حتي النوهايه

والله اعلم

اكيد هفهم مع التدوينات

تحياتي

كيارا

عصفور مهاجر يقول...

انا كده كده مهاجر...يعني مفركش خلقه ..لكن شايف عندك ناس تقيله أوي ..قلم سكندري..ورئيس تحرير..وحياتي كلها لله وانا كمان والله ..وماما أموله ...الله داأنت بقي واصل فركش يا عم بقي زي ما انت عايز بس بالراحه والنبي ...بششششوويييييشششش

فركشاوي ..ناوي يقول...

القلم السكندري:
الله يسلمك..مين يعرف معني الطفو اكثر منك يا اسكندراني ؟
انت عرفت حكايه يمين التفريق دي منين ؟

فركشاوي ..ناوي يقول...

رئيس التحرير:
نورت الفركشه يا ريس..وانا كمان غاوي ..والنيات لا يعلمها الا الله ...وانا كمان والله بحب فشكول دا أخويا...بس مش عايز يظهر ولا يقول حاجه. شرفت يا ريس

فركشاوي ..ناوي يقول...

حياتي كلها لله.
وأنا كمان ..حياتي كلها لله.
وعليكم السلام ورحمه الله وبركاته ...
حضرتك فهمتي كتير ..والدليل التعليق الجميل...الله يسلم حضرتك..واهلا بيكي انت كتير خالص.

فركشاوي ..ناوي يقول...

ماما أموله :
المفهوميه كلها ..بحنيتها وخفه دمها ..اهلا بيكي ماما أمولــــــــــــــــــه

فركشاوي ..ناوي يقول...

bondok :
بندوق ..لا ياحبيبي ما تخاف علي نفسك .أما الاحساس بالقلق ...دا شيئ طبيعي جدا..والجاي أسهل بكتير..ما تحرمناش منك.

محمد مارو يقول...

هههههههههههههه
دى اول مره ازور حضرتك

بس عجبنى الحوار اللى من اليمين للشمال و اللى فوق لتحت
حوار عامل كده
اووووه معلش مفيش فى البلوجر شكل للفركشاوى
عجبنى نقدك بفركشه ههههههههه
تحياتى

fashkool يقول...

يا سلام يا فركشاوى .. يعنى انت استوحيت اسم فركشاوى من فشكول .. والله دى حاجه تشرف خالص واصل اللى اوحى الي بكلمة فشكول : الحكايه ان فى الثمانينات كنت فى السعوديه وكنت دائما اشترى الوفد واقراها وكانوا السعوديين يقروها معايا حوالى عشره او خمسة عشره قارئ لحد الجرنال ما يتفشكل .. وبعدين كنت دائما عندما ابحث عنه اقول فين الجرنال .. فرد على احد المصريين وقال اتفشكل .. من يومها وانا بسميه الفشكول .. ولما جيت مصر مطرودا من السعوديه بسبب الفشكول (اصل ما بيسمحوش حد يقرا عندهم الجرايد دى عشان ما يتعلموش النقد ) عشان كدا فشكلونى من هناك ورجعونى ولما جيت مصر بقيت اجيب الجرايد وكل زملائى يقرأوها ويفشكلوها وعشان كدا كان دائما الجرنال بتاعى اسميه ويسميه زملائى بالفشكول .. ومن هنا والتسميه لزقت بالجرنال .. ولماحبيت اعمل مدونه قلت اعملها ايه .. افتكرت الفشكول وان الفشكول وانا متلازمين فسميت المدونه الفشكول .. لكن يا عم فركشاوى انا غلبان وبحاول اعبر عن احساسى بكلمات مبهمه واللى يفهم يفهم واظن انت فاهم انا عايز اقول ايه.. تحياتى.. يالله بقى .. فركش

حاجات عيال يقول...

امممممممممم مش عارفة انت ناوي على ايه ياأبو الفراكيش
انا أنتظر فركشتك بمنتهي الصبر بس اوعى تحاول تفركشني أحسن عندي مناعه من الفراكش وكمان محملة برنامج الأنتيفركش
يعني صاحيالك
تحياتي