الاثنين، 9 فبراير 2009

الـمكاســــــــب...



محاوله فهم الواقع(2)


السلام عليكم ورحمه الله وبركاته...

لقد تأخرت كثيرا...أعترف وأقر بالتقصير ...ومستعد لدفع غرامه التأخير....و..
أول مكسب من المكاسب المعتبره حاله السخط العام او عدم الرضا علي جميع المستويات والاتفاق والاجماع علي شيئ واحد لم نري منذ زمن اجماعا بهذه الصوره ... فاض الكيل وبلغ السيل مبلغه!
ابتداء من بائع الفجل في سوق الخضار حتي ارفع مستوي علمي وادبي تكلم في هذا الموضوع ...و كانت الصحوه وكان الجميع قبل ذلك يغط في نوم عميق ...بدأ البعض يفيق!!

صحوه ..لا بد ان نشكر اليهود علي ما فعلوه ...فقد أيقظونا بعد ان نمنا كثيرا.
هل نستيقظ...أم سنظل نغط في النوم العميق؟
نعم ...لابد ان نشكر اليهود...ربما يغضب ذلك الكثيرين مني ...وأرجوهم ان يلتمسوا لي عذرا حتي النهايه. فنحن عبادة الله لا بد ان نشكر كل من صنع لنا صنيعا ...فمن لا يشكر العباد لا يشكر رب العباد ...ونعوذ بالله ان نكون جاحدي النعمه . ولا ننسي ان نشكر ايضا كل الحكام والملوك والرؤساء العرب اولا...ثم بقيه المتخازلين الصامتين من العالم الآخر.

ولأن ..هذا هو الواقع فليس في الأمكان ابدع مما كان !

الأحبه الذين تجاوبي معي في المحاوله السابقه ...أقول لهم لا شكر لكم علي واجب قمتم به... الشكر لله وحده ان أكرمني بكم . والتقينا عند نقطه البدايه مع حبيبنا (أبوفاطمه) الذي جزم جزما واضحا بأن القضيه قضيه أسلاميه بحته...و أيدنا استاذنا و معلمنا الاستاذ / محمد الجرايحي ...حين أكد ان اسرائيل دوله دينيه قائمه علي عقيده تستمد تعاليمها من كتاب محرف مليئ بالمغالطات و المعتقدات الفاسده .

يا أمه...( لا اله الا الله ..محمد رسول الله )...يحاربونكم بدينهم الذي ابتدعوه من عند أنفسهم ...ليبعدونكم عن دين الله ( الأسلام ) الذي ارتضاه لكم دينا . هل ينتصرون علينا ؟

الحبيب ...فشكول ...يتسائل نتفق علي ايه؟...وأنا اعرف الاستاذ الكريم /احمد ابوزيد ( هو فشكول بعينه )...لا يقصد الا السخريه من الواقع المر ..حين يقول ( نتفق...دا عشم أبليس في الجنه ) لا ...حبيبي الكريم ...أبليس عاقل ولم و لن يعشم في الجنه ...نحن العبط ...لأننا نعشم في أبليس. وكل من تنصب منصبا او جلس علي كرسي ..وظن أن الأمر دائم له فبلا شك هو واهم ...فلا نتعشم نحن فيمن توهموا... و ظنوا بأبليس ظنا حسنا .

ألم نتفق...؟؟؟ لابد ان نتفق...ووراك ..وراك... يا فشكول... والزمن طويل وطويل قوي ...حتي نتفق!!!

أشكرم ...وأرجو الا أكون و جعت دماغكم ...
فركشاوي...

هناك 20 تعليقًا:

نفرتارى يقول...

فعلاً القضية مش فلسطين .. القضية هى الاسلام رفع راية المسلمين .. وقتل من قتلونا واسفكوا دمائنا دون وجه حق .. وقتل المسلمين وهم عزل فى الصلاة .. وحرموا دخول المساجد .... وغير ذلك من الجرائم التى لا حصر لها .
فأين انت ياصلاح الدين ؟؟!! انت فى ذمة الله ونحن اصبحنا نعيش على الذكرى والكلام .
كفا كل هذا وهيا نتفق ونقف يد واحدة فى مواجه عدو الله وعدو الاسلام .

تحياتى ،،

نفرتارى

Unknown يقول...

أستاذنا الفاضل الكريم
السلام عليكم ورحمة الله وبركاته
لقد كانت المكاسب التى عادت علينا من هذه الحرب غير متوقعة ورغم ماسببته لنا من آلام على الدماء الزكية التى أهدرت
إلا أن المكاسب قد تخفف بعض هذه الآلام....

والأهم الآن أن نعى الدرس ونحاول الاستفادة منها أقصى استفادة..

وأشكرلك أخى الفاضل طرحك الطيب والقيم
وندعو الله ألا تطيل علينا الغياب

بارك الله فيك وأعزك
أخوك
محمد

ادم المصرى يقول...

بجد لا يوجد غير الخسائر وليس المكاسب

ما عم علينا يا استاذنا مع احترامى لقلمك المشهور

خسائر فادحه ومش محتاج انى اقول لئن

حضرتك سيد العارفين

وانا فاهم قصدك كويس عن مكاسبها

بجد احنا اشتقنا لمثل صلاح الدين

أمل حمدي يقول...

ازيك يا فركشاوي

حمد الله على السلامة

انا وراية امتحان بكرة بتاع الكادر

للازهرية

بيكرمونا شفت ازاي

بعد عشرين سنة تدريس بيشوفوا ننفع ولا لأ

حسبنا الله ونعم الوكيل

سامحني خرجت عن الموضوع من أثر الضعط

المهم

اتعشم ان تكون النتائج مكاسب فعلا

للفلسطينين واتمنى ان ينتهزوا ذلك

التأييد لصالحهم ولا يضيعونه بتفرقهم

سلام يا فركشاوي وادعي لماما علشان

عندها امتحان

هههههههههه

شر البلية مايضحك

سلام

صدى الصمت - عاشقة الورد - يقول...

سعيدة جداً بحماسك وتحليلك للأحداث
والحقيقة سعيدة أكتر إنى عرفت أخيراً أعلق عندك بدون مشاكل
تحياتى

فشكووول يقول...

فركشاوى .. حتفركش .. حفشكل .. واحده بواحده ودقه بدقه اقول لك عن اسبابى:
نبتدى من قريب :
فاكر الاسلحه الفاسده فى حرب فلسطين؟
فاكر عبد الحكيم عامر (برقبتى يا ريس)
فاكر امين عثمان(اللى اغتاله السادات)
فاكر هوجة عرابى والخيانه اللى اتعملت له
فاكر محمد على عمل ايه فى اللى حطوه على الكرسى
نرجع بقى لزمان شويه
فاكر سيف الدين قطز واللى عمله فيه الظاهر بيبرس
فاكر اقطاى وشجر الدر وتالتهم اسمه ايه ده اللى مش فاكره الوقت
طب نروح بعيد عن الارض شويه
فاكر دولة الموحدين فى الاندلس واللى حصل لها
بلاش كده
فاكر الفتنه الكبرى بين معاويه وعلى بن ابو طالب ودور عمرو بن العاص
طب برضه نرجع بعيد قوى شويه
فاكر اخناتون والمؤامرات التى دبرت له
فاكر توت عنخ امون واللى قتلوه
اقول لك ايه ولا ايه .. يعنى من فجر التاريخ .. واحنا كدا .. مؤامرات ودسائس نعملها لبعض ..ودا كله ليه
دا كله عشان الكرسى ابن الكلب اللى مدوخنا احنا لوحدنا .. ومش مدوخ حد غيرنا ..
ما تفهمش غلط وما حدش يقرأ التعليق ويفهم غلط ... اتفرج ياسلام اتفرج يا جدع
شوف الانتخابات فى اسرائيل .. والهيصه اللى عاملينها والعالم كله اللى بيتفرج عليها .. انا لو كنت اسرائيلى كنت حكون فرحان ببلدى جدا
مهرجان ديمقراطى وسباق لخدمة شعبهم
طب شفت انتخابات المحليات عندنا .. من المنبع .. بالغربال .. لأ بالمنخل
عايزنى اتفاءل بايه يا فركشاوى
اظن انا كدا فشكلت لك المواضيع ..
بس انا خايف تيجى تفركشها تانى .. وتعملها ما انت فركشاوى
تحياتى

فشكووول يقول...

فركشاوى العزيز ..طبعا نتفق انا ورئيس التحرير .. هو احنا كنا لاقيينك

ثم انه تعالوا نقرأ التاريخ الحديث والقديم
شفت قريب قوى مكيدة مراكز القوى ايام السادات؟
شفت عبد الحكيم عامر لما قال للريس (برقبتى يا ريس)
شفت الريس عمل ايه فى محمد نجيب
طب شفت الجماعه العسكر عملوا ايه فى الملك
بلاش : شفت عملوا ايه فى يوسف صديق .. الراجل الحقيقى اللى قام بالثوره ودوره كان بارز فيها ومش عارفين جرى له ايه
طب شفت السادات لما اغتال امين عثمان
تعالى بقى وشوف عملوا ايه فى عرابى
ولا محمد على عمل ايه فى الجماعه اللى قعدوه على الكرسى
ولا الخيانه اللى خلت العثمانيين يشنقوا طومان باى
شفت اقطاى وشجر الدر عملوا ايه فى اسمه ايه ده مش فاكر اسمه
بلاش : شفت دولة الموحدين فى الاندلس والخيانات اللى عملوها فيها
شفت احمد بن تاشفين عملوا فيه ايه
شفت قطز واللى عمله فيه الظاهر بيبرس
طب شفت الفتنه الكبرى واللى عمله عمرو بن العاص مع معاويه ضد على بن ابى طالب
شفت زمااااااااااان عملوا ايه فى اخناتون
شفت عملوا ايه مع توت عنخ امون
حاجات كتيره قوى
التاريخ كله خيانات
دول احنا اللى كنا بنعمل كده
عايزنى اتفاءل (برضه عشم ابليس فى الجنه)
دول هما احنا
شفت الانتخابات فى اللى ما يتسموش والعالم كله بيتابعها باعجاب
اقول ايه ولا ايه ولا ايه
التاريخ هو اللى بيقول
بيقولواايش خاطرك يا عمى
قال (قفة عيون)
حتفركش .. حفشكل .. وانا وانت والزمن طويل يا فركش

فشكووول يقول...

العزيز فركشاوى ..والله متفق معاك
هو بس من كتر السواد اللى احنا فيه الواحد مش متفائل .. لكن محتاجين كفاح كبير وكتير عشان نفك القيود اللى حطونا فيها الغجر اللى ماسكين فى رقابنا ومعطلين كل حاجه عندنا عشان خاطرهم .. طبعا انت فاهم انا عايز اقول ايه .. بس مشكلتنا الكبيره فى كرسى فوتيه مريح على مقاس واحد بس
هى دى المشكله اللى راهنه بلادنا
تحيياتى

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

بس خلاص ... يقول...

حمد الله بالسلامه
هكذا اعتدنا ان نموت اولا حتى نعى الدرس .....ولكن سرعان ماننسى وتصيبنا حالات البلاهه التى نجد فيها الراحة كل الراحة.... علشان نعرف نغمض عينننا ونناااااااااااااام.......... مش برضه صح الكلام

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

الحب فى الله يقول...

السلام عليكم ورحمه الله وبركاته00
فعلا الكل بدء يتكلم ياترى ما المكاسب التى عادت
على أخواننافى غزة والدماء تنزف يوم بعد يوم . حقاان الحرب الصهيونيه المراد بها القضاء على الاسلام. ولكن ان شاء الله النصر قادم ولذا لابدان نكون أمةواحدة .

رابطة مدونون من أجل فلسطين يقول...

دعوة حضورإجتماع كونفرانس

الأخوة الكرام أعضاء رابطة مدونون من أجل فلسطين

تتشرف اللجنة التأسيسية للرابطة أن تدعوكم

إلي حضورإجتماعاً مصغراً على الكنفرانس

وذلك في تمام الساعة العاشرة من مساء يوم الاحد القادم 15/02/2009

وذلك على ايميل الرابطة bloggersforpalestine@yahoo.com

وذلك لمناقشة الأعمال المقترح القيام بها فى الرابطة ومناقشتها معكم

وايضا دراسة بعض الاقتراحات المقدمة من الاعضاء

وذلك من اجل النهوض برابطتنا والعمل على نشرها واستمرارها

وللأهمية يرجى الحضور وعدم التغيب

الامين العام للرابطة

الازهرى يقول...

هل نستيقظ...أم سنظل نغط في النوم العميق؟
للاسف من عادتنا ان نتحمس لوقت قصير مع اندلاع الاحداث وبعدها نرجع للنوم ثانية
وهو ما يراهن عليه العالم من حولنا ولذلك لا يعبأون لنا لانهم يعرفون اننا امة شعارات فقط
ويتبعون معنا اسلوب السوق والخيمة
بالنسبةلموضوع ان الصراع دينى فانا لا اوافق عليه
لان اسرائيل دولة تدعى قيامها من اجل الدين لابتزاز الاموال والمساعدات باسمه ولكن لا يوجد اى موقف لها منذ قامت يمكن به التدليل على ذلك

تحياتى دوما

♥ سحر ♥ يقول...

مساء صباح \سعد......للفركشاوي
"
"
..
صبرا آل غزة فنحن بـ ألمكم غير مدركين
والحرف خاشع والقلـــــــب يلـــجمه الأنين
والطفل يقتل بيننا والصمت في الذل حزين
كفى بنا هوانا وعســـرة في الأخوة والدين
مجزرة بل مؤامرة ونحــــــــــــــن للغدر نرفض..!!
مقوامة ودفاع مستباح ومجلس دولي للعنف يفرض
لماذا ياآل محمد
وهل خذلانكم سجن مؤبد..!!
والكل صلى وشكى ونصر وبالدعاء تعبد،،
سيكون النصر قريبا ان كنتم لاتعلمون
وسنأبى المـــــوت برصاص صهيون
،،
،،
لأجل ابناء الحجارة يهيج قلمي
ولأجل روحك الطاهر بالمشاركة الاخوية
"
دمت فركشاوي عزيزا
وام وطنك محرر ابيا

م/ الحسيني لزومي يقول...

مش ملاحظ ان الشعب نام تاني عامل زي الفوار يملأ الكوب في لحظة ثم يختفي في لحظة

فشكووول يقول...

فركشاوى العزيز .. تحياتى
يظهر والله اعلم اننا قربنا نتفق ..
ايمن نور طلع من السجن .. ولو انى اختلف معه كثيرا الا انى اراه يمثل الامل فى الواقع المر والمهين الذى نعيشه
ايه رأثك تثجى نتفق على انه احسن من غيره
تحياتى

غير معرف يقول...

أخى الغالى الكريم
السلام عليكم ورحمة الله وبركاته
اشتقنا لشذى عطر قلمك وأفكارك

أخوك
محمد

بس خلاص ... يقول...

الاخ العزيز فشكول
لعلك بخير مااسكت الله لك قلما ولاحرمنا من عظيم كلماتك دمت بكل الخير

فشكووول يقول...

شفت يا فركشاوى الموضوع خد وقت كتير ازاى ..من يوم 9 فبرايى لحد النهارده واحنا فى مفاوضات ومحادثات عشان نتفق واحنا برضه لسه مش عارفين نتفق .. عايزين نتفق بقى .. تحياتى