الجمعة، 23 أكتوبر 2009

هو دا الكلام

هو دا الكلام :هـكذا كان رد السيدة الفاضلة:--:- ماما أمولة

علي عنوان تدويننتي ألسابقه .

و لمن لم يتابع من البداية لا بد أن يعرف أننا نتحدث عن النفس (نفسي أنا

وأمراض النفس ومشاكلها وكيف نتعامل معها ؟

لستُ خبيراً و لكني أتحدث من واقع تجربه وربما تكون التجربة ناجحة

أو فاشلة و لكننا نستنتج و نستخرج النتائج الصحيحة

سويا ربما حالفنا التوفيق و خرجنا بما ينفعنا في ديننا و دنيانا .

محمد الجرايحى :- يقول...

نتمنى دائماً أن نتعدى مرحلة الأقوال إلى الأفعال...لقد مكثناً كثيراً في محطة الكلمات.
تقبل تقديري واحترامي بارك الله فيك وأعزك .
أخوك
محمد.

أخي العزيز ...وأستاذي الفاضل / محمد الجرايحي ..

حضرتك خير من يعرف معني الكلمة و يقدر قيمتها .

ومتى توقفنا عند الكلمات دون أن يكون ملازما لها الفعل فلا معني لها ولا قيمه ،

هل شعرت حضرتك في سياق كلامي أنني متجمد في محطة الكلمات؟

السيرة الذاتية للمتحدث مهمة عند السامع .

و لذلك سأقص قصه عن نفس لنري هل توقفنا في محطة الكلمات ؟..

نعم نقف فيها ولكن لابد أن يكون القرار بالتحرك إلي الفعل .

كنت أعمل في مجال كُله تماسيح و حيتان ومن لا يجيد فن العوم والغوص هالك لا محالة.

بدون تفاصيل مملة سأضع أمامكم الصورة وكل منا يقول ماذا تقول له نفسه في هذا الموقف .

أجمعنا علي أن نأخذ هذه العملية رغم تكاليفها العالية ،

كان موقف تحدي ... و أجمعوا ( لثقتهم في )

علي أن أقوم بالإجراءات الأولية للعملية .

وكان عليا أن أدبر خمسون ألف جنيه في غضون يومين ...

و لم تطاوعني نفسي بطلب سلفه من أي شخص .

خلوت بها وتصفحت سجلاتي القديمة و بينما أنا علي هذا الحال...

دخل السمسار يقدم لي زبونا يريد شراء آخر شقه عندي في البيت ...هتفت .

يا مرحباً... أهلاً.. وسهلاً... حاجه ساقعة بسرعة .

دون أن يعبأ بترحابي و دون ان يرد علي تحيتي جلس ووضع ساقاً علي ساق ...

ها تبيع الشقة بكام ؟

والله دي آخر شقه عندي و بعت سابقيها ب 90و 95 وطبعا دي موفرها لسعر أعلي .

من غير كلام كتير ...هما خمسين ألف لا فوقهم و لا تحتهم .

نفسي ...أضربه ..أطرده ...ألغي الحاجة الساقعه .

متعجرف علي إيه ؟

هوَ.. هوَ المبلغ المطلوب مني بالتمام و الكمال بعد كآم يوم ...

الله يبارك ليك فيها يا سيدي .

فلوسك بعد 3أيام الساعة 10الصبح تكون عندك .

كمان ...ما معكش فلوس !

مممااااشـــــــــــــــي ....

قبل ما امشي من هنا عايز كلمه ...لي شقه و لا.. لأ ؟

من دلوقت ليوم الأحد الساعة 12الشقه شقتك ...

الساعة 12و5 دقائق لا شيء ليك عندي .

وكان صبري قد نفذ تماما ، لم يخرج ذلك الرجل من باب الغرفه ، حتي دخل محمود وكان يلح في شراء الشقه علي أن يدفع 70وأقسط له العشرون الباقيه . كانت بيده حقيبه صغيره و ضعها علي المكتب و القي بجتته علي الكنبه ...

سبعين الف يا حاج ، والعشرين الباقيه بعد3 ايام تكون عندك

تعدينا مرحله الكلام ولا بد من الفعل الآن ...

بالله عليكم ماذا أفعل ؟

***


هناك 24 تعليقًا:

أمل حمدي يقول...

حمد الله على السلامة

بتغيب كتير يا أخي ربنا معاك

أنت في موقف لاتحسد عليه

فأنت بين أن تحفظ وعدك مع هذا المتكبر

أو تبخس حقك في ما اعطاك الله

في هذا الزمن المقلوب سوف ينقضون العهد

ولا يبالون بكلمة

ولكني أحسبك ستفي بوعدك

تقديري يا فركشاوي

أبو كريم يقول...

بسم الله

بما أن الأخ الاول فلوسه مش حاضرة وكمان سعرة أقل فجلب المنفعه يحتم بأخذ الراى الثانى وبيعها له ومحدش يقولى الوفاء بالعهد لانه زى ما بيقول متعجرف ومش محتاج للشقه كحاجة الثانى لها وبما انه جه ومش معاه اى مبلغ يدل على نيته فى الشراء يبقى يستاهل انه يحصل فيه كده وبين البايع والشارى يفتح الله

وشكرا

Unknown يقول...

أخى الكريم : فركشاوى
السلام عليكم ورحمة الله وبركاته
أكيد أنا لم أكن أقصدك أنت شخصياً ، بل أنا خرجت من كلامك بأننا لابد أن نتعدى مرحلة الكلمات إلى الأفعال، وكلماتك هى التى أوحت إلى بذلك فكان الدرس منك.

وتقبل أخى تقديرى واحترامى لشخصك الكريم
أخوك
محمد

Unknown يقول...

ماما أموله :-
الله يسلمك...
غيابي سببه النت و الكومبيوتر.
سيدتي أشكرك علي حُسن ظنك بي ..

Unknown يقول...

أخي الكريم ابوكريم :-
المنطق و الحسابات و الهندسه و الرياضيات بتقول شيئ لكن الواجب يُحتم شيئ آخر .
اخبار الشعر معاك ايه؟
أشكرك علي حُسن المشاركه . 

Unknown يقول...

أخي الحبيب ...
محمد الجرايحي .
مهما كان ما تقصده فإني والذي خلق الخلق أكن لك كل حب و أحترام .
ولم تقل لي ماذا أفعل في ذلك الموقف؟

بياع كلام يقول...

أخى العزيز فركشاوى

أولا اشتقنا لك وحمدلله على السلامة

ثانيا أنت فى موقف من أصعب المواقف

لأنى من الذين يقدرون الكلمة

ولكن أنت من وضعت نفسك فيه

ولكن بما انه حصل فعليك طلب فرصة من

الاخ اللى نقوده جاهزة أن يمهلك ثلاثة

أيام للتفكير وسوف يوافق لأنه يريد

تقسيط باقى المبلغ ....

واما ان صاحبنا المتعجرف ما يرجعش

وتبقى مصلحة .

أو يرجع فى الميعاد وساعتها انت

وشطارتك وقرفك منه تخليه يخلع من

الموضوع وطبعا انت هتبقى وفيت بكلمتك

وفى نفس الوقت تبيع للتانى .

بياع كلام يقول...

نسيت اقولك يا رب تكون لسه ما بعتش

عشان تعمل بنصيحتى

ولو كنت بعت يبقى قول تصرفت ازاى

تحياتى وتقديرى الشديد ليك

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

Unknown يقول...

بياع كلام...
الله يسلمك ...ويبارك لك يارب
اتخاذ القرار صعب ...
ولكن الموقف يحكم كل شيئ .
وعلي فكره الحكايه دي قديمه وبقي لها سنين و سوف تعرف ما الذي تم.
( ونحن عند كلمتنا)
عارف كلام الصعايده .

فشكووول يقول...

يا فركشاوى يا ناوى

كنت فاكرك ناوى لكنك منتش ناوى خالص

بالشهر تغيب وبعدين نلاقيك عمال تعمل فركشه فى كل حته حتى كل الشقق اللى عندك فركشتها وقعدت على تلها زى انا ما انا قاعد على تل نفسى

تامر علي يقول...

شرعاً من حقك ترجع في كلامك لأن العقد العرفي لم ينعقد وكل ما حدث هو مجرد وعد بالبيع في حالة اكتمال الشروط المتفق عليها وفرق السعر الكبير ده يعتبر غبن لحقك في البيع بسعر عادل ولايرضاه الشرع ومن حقك الإقالة

لكن عرفاً أعتقد الأمر مختلف وهتبقى الأمور محرجة فعلاً وأنا لو مكانك هاعتبر نفسي في مأزق حقيقي لكن غالباً مش هابيع للمتعجرف لكن هاتصل اعتذر :)

تحياتي :)

Unknown يقول...

رابطة هويتي اسلامية
أعتز بأن اشارك الأستاذ معتز .

Unknown يقول...

عم فشكول ...
حضرتك مَن يغيب ...
أنا قاعد علي طول...
حتي أسأل التل .

Unknown يقول...

الأستاذ الكبير ..
تامر علي...
معاك حق ...
الموقف حكم بالوعد انه صاحب الشقه حتي ميعاد محدد .
وقالوا ...عصفور ف الأيد ولا عشره ع الشجره .

Dr. Ibrahim يقول...

ومين اللى قالك بقى إنى كنت بزورك وبطلت أزورك!:)

Unknown يقول...

المهندس /الحسيني
باش مهندس شكرا علي دعوتك الكريمه .
و ربنا يوفقنا و أياك الي ما يحب ويرضي .

Unknown يقول...

D.EBRAHEEM
يا أخي بجر ودك
ونفسي أبقي صاحبك
تديني كده بالشلوت !!!
ششششششوووووووككككككراً
يا دكتور

Dr. Ibrahim يقول...

العفو يا سيدى

اى خدمة تانى:)

جلال كمال الجربانى يقول...

لا ياصديقى يجب أن تقبل بال50 وتصبر على ال20 كام يوم
إذا كان الزبون الأول دفع عربون كربط كلام كان ممكن ترفض الأخر
وكفايه قله زوقه وعنجهيته وأظن انه أنسان غير سوى وبعدين أنتم لم تقرأوا الفاتحه ولا كتبتم عقد ولا أخذت عربون
حتقولى المفروض كلمتى عقد
حقولك مش مع ده ده كفايه مردش على تحيتك ولا شكرك على ترحيبك وكمان بخس لك الشقه
معلش أنا واحد من العمال ومخى على قدى فالمعذره
ووحشتنا
ودمت بخير حال

Dr. Ibrahim يقول...

وناوى على ايه ان شاء الله:)

Unknown يقول...

Dr Ibrahim
شكرا يا دكتور
مدين لك بعودتك العطره .

Unknown يقول...

واحد من العمال:
صديقي العزيز ...والله كل كلامك في الصميم.
وأنا كان نفسي ....لكن من باب(فأدفع بالتي هي أحسن)وجدت الأمر علي هذا الحال.
صديقي العزيز ....هناك أمور لا بد ان نكلها لصاحبها...والرجل سيئ بالفعل و ستري في سياق الموضوع . 

Unknown يقول...

Dr Ibrahim
وناوى على ايه ان شاء الله ؟
ناوي ....
علي خير إن شاء الله .