الثلاثاء، 17 نوفمبر 2009

الصبر ...يكسب .


فشكووول : يقول...
يا سلام!! خليه يا خويا فى الشقه ..
ما احنا عايزين نبيعها لاى حد .. هو احنا طايلين زبون.
انت فين يا عمنا ..
مش تقول احم انا جيت
عشان نيجى نزورك ونجيب لك
2 كيلو يوسفندى و2 كيلو برتقال و2 كيلو كاكا و2 كيلو بلح و2 كيلو عنب
من اللى حبته قد البرتقاله.. مش تقول.
****
والله ...أنا سمعت كلام عم فشكول لكن حبيت أعرف حكايه صاحبنا .
رجل في حلاوه وجمال عم صلاح أبوزيد ...
لهجته فيها شويه من الشوام ومعه سيده لا تقل عنه أحترام ...
وولد و بنت في عمر الزهور ...
عندما عرفوا أنني صاحب الشقه بخفه و حلاوه الأطفال
(ولم اكن وقتها رُزقت باطفال)
قد ركضوي نحوي وكل واحد منهما أمسك بيد و نظرات البراءه والطفوله تقول ...
ـــ والنبي يا عمو تديناالشقه...
جلست كي أكون قريبا منهما ووجدتهما ينتظران الأجابه ..
ـــ وماله يا حبيايي خدوها .
القي الطفلين بجسدهما عليا و أصبحت في الوضع مستلقياً علي ظهري و هما يقبلان فيّ .
لم ينقذني من ذلك الوضع غير الرجل الوقور .
و هو يرفع ولده و بنته و ينهرهما محاولاً رفعي من علي الأرض .
حاول الأعتذار عما بدر من الطفلين رفضت أن يعتذر لي... فهما طفلين .
صافحني الرجل وكرر طلب الطفلين ...
سألته ... ماذا تفعل لو كنت مكاني ؟
أجاب ...
أبيع لهم الشقه و أمري لله .. و يدفعوا أعلي سعر كمان ...هههها .
****
الغريب في الأمر ان الرجل أقترح دفع مبلغ لم أكن أتخيله..
ورجاني ألا أزيد عليه ... وقدم لي جواز سفره وهو يقول :ــ
لن تدوم أقامتنا هنا .. سنقيم بصفه مؤقته
وسنعود بإذن الله الي بلادنا . ولن نحمل شقتك علي أكتافنا ونحن عائدون ..
كان يتكلم بثقه ويقين و الطفل و الطفله يؤكدان بنظراتهما صدق أبيهم . مما جعلني أسأل
ـــ إلي أين تعودون ؟
أجاب الطفلين في ثبات
غـَــــــــــــ إلــي ـــــــــــزه .
****
عمي فشكول بالله عليك 10 كيلو فاكهه من أيدك الحلوه يستاهلوا تمن الشقه
وزيارتك لي بالدنيا كُلها ...ربنا ما يحرمنيش من برتقالك و عنبك و موزك .





هناك 40 تعليقًا:

Unknown يقول...

ما زال موضوع الشقة معلقاً
ولم ينتهى بعد بل ولم تخبرنا
هل ستوافق على من هم اقتحموا
الشقة بدون إحم ولا دستور أم
سترضخ لرأى الطفلين فى تنفيذ
طلبهما وتعطى لهم الشقة
عماماً الموضوع شيق ويستحق المتابعة
تحياتى
ويبقى التواصل

Unknown يقول...

فرسان على مر الزمان :
مازلنا متعلقين بأول موضوع تنزله و في انتظاره .
أما موضوع الشقه فخلص علي كده .
تفتكر ممكن يترفض طلب طفل؟

Unknown يقول...

الحمد لله ....
الموضوع انتهى على خير
الأطفال أحباب الله

محمد أبووردة يقول...

بصراحة صعب أوي انك ترفض طلب طفلين
زي دول
بصراحة اسلوب ممتع اوي في الحوار
وما تافش يا عم
عم فشكول هيجيلك ببرتقال ويوسفندي وموز يا سيدي كمان
اي خدمة
سعدت جدا يا فركشاوي بتواجدي في مدونتك الجميلة
ومتابع لبقية تدويناتك ان شاء الله
اخوك قلم حر

محمد أبووردة يقول...

اه نسيت أقولك لك يا عم فشكول
مبروك علي رجوعك لينا تكتب من جديد
ومبروك علي الشقة يا حاج
بس فين الحلاوة بقي
؟؟؟؟؟؟؟؟؟؟

الزنارى يقول...

السلام عليكم
يا عينى يا فركشاوى اللة يكون فى عونك
و يصبرك على عم فشكول
بردة دا راجل كبير
أحييك على المضوع الشيق و المثير
أخمد الزنارى

Unknown يقول...

الأستاذالقدير/ محمد الجرايحى
الف حمد وشكر لك يارب .
ولأنهم أحباب الله دفعوا 3أمثال سابقهم
وزياده .
لكم جزيل الشكر علي مشاركتكم.

Unknown يقول...

نور الدرب :
أهلاً بك ...
أرجو الا تنقطع عن زيارتنا.
وبشكرك جدا علي مجاملتك اللطيفه .
ويسعدني أن تكون من متابعي تدويناتي المتواضعه.

Unknown يقول...

أحمدالزنارى
وعليكم السلام ورحمه الله وبركاته
ويصبرك أنت كمان علي متابعه فركشاوي .
شهادتك أعتز بها . 

فشكووول يقول...

وبعدين يا عمنا .. ما قلتش لنا عملت ايه
طب الجماعه دول اخدوا الشقه ولا لأ .. بس انا خايف بتوع غزه يعملوا فيك اللى عملته اسرائيل فيهم

وحكاية الشقه دى مش عايز تجيب آخرها بقى ولا ايه

انت بتقول عند نور الدرب لى معاك لقاء بعد الماتش .. الكلام دا لى ولا لنور الدرب.

لو لى ما فيش داعى للقاء خلاص يا خويا شربنا الشربه كلنا الحلاوه / فاكر التمثيليه اللى بتقول (اكلت الحلاوه يا زكى) .. اهو احنا اكلنا البالوظه .. والله العظيم انا كنت حاسس كدا من قبل الماتش عشان الناس كانت واثقه من نفسها قوى ولا كأن فيه فريق تانى وله نفس الطموح وشعب تانى وبرضه له نفس الطموح ولا كأن فيه حد فى الدنيا الا احنا. واللى يقول حنكسب 3 واللى 2 واللى 4 والعمليه كانت فاتحه على الاخر والحكايه اننا زى ما قلت خيبتنا بالويبه .. يالا بقى باى

فشكووول يقول...

على فكره لو الطفلين دول عملوا فى كدا كنت اديتهم الشقه ببلاش وقعدت اعيط معاهم

فشكووول يقول...

تصدق يا فركش انا ساعات لما اقابل ناس لاول مره يقولوا لى انت من الشام مش عارف ليه بيقولوا ان لهجتى فيها شويه من لهجة الشوام .. اصل انا عالمى انترناشيونال اصل الواحد زهقان وعايز يضحك نفسه ويرفه عن نفسه بعد الخازوق الكبير اللى احنا اخدناه وكنا بناخد الخازوق وندفع كمان 200 الف جنيه لابوك الحاج حسن شحاته .. هما العجلاتيه خلصوا من البلد ولا ايه

Unknown يقول...

عمي فشكول ..إنترناشيونال.
الجماعه دول
دفعوا 3أمثال صاحبنا اياه وزياده
بقت ملكهم يعملوا إليّ عايزينه
إلا قولي ...
فاكر حاااطه يا باااطه
لعبنا اللعبه كشفنا الغلطه .
عارف ايه الغلطه ؟
هات ودنك أما اقولك ...

Hanan Elshafey يقول...

في الاول مكنتش فاهمه الصراحه ايه الموضوع
قلت بتبيع شقه
وعمو فشكول عايز يشتريها ب2 كيلو من كل نوع فاكهه
وبعدين افتكرت انها بدايه لقصه بس مربوطه بالواقع شويه وبعدين لما وصلت للاخر برده بقيت مش فاهمه بس مش فاهمه اي حاجه بقي
قوم ايه
قريت التعليقات وفهمت الحمد لله بس عموما النص ينفع قصه جميله جدا جدا جدا جدا لو كمل علي الاساس بتاع الشقه ده
كده ولا كده
عجبني
تحياتي

Unknown يقول...

حنان الشافعي:
صاحبه الحروف الساحره ...
الموضوع مرتبط بموضوعات سابقه والمتابع هو الليّ يكسب .
ومادام الموضوع عجبكم فدا شرف عظيم لي .
أتمني مواصله المتابعه .

Dr. Ibrahim يقول...

الموضوع نفسه يعتبر إبداع جميل من تصوير منظر الطفلين والنهاية بالرجوع الى الجرح..غزة

تحباتى لك

أحــوال الهـوي يقول...

انا اتلخبت
افتكرت انك عم فشكوول و بعدين لقيته بيرد

المهم الشقة و كلنا شهود انك هتديها لعم فشكول بكيس برتقال انا هادفع له فيها قفصين

و تتم البيعه

تحياتي

Unknown يقول...

Dr Ibrahim
صباحك معطر ...أهلاً بك.
أشكرك...علي زيارتك.
ما كان بلاش ...
تذكرنا بالجرح القديم!!

Unknown يقول...

انا سعيد جداً لمرورك الأول بمدونتيا لمتواضعه
وهذا يشرفني جداً
واتمنى زيارتك الدائمة
مدونتك مميزة ورائعه
انتظر التواصل الدائم
ارق نسمة

Unknown يقول...

أحــوال الهـوي :
أهلا بك في اول زياره
الف سلامه عليك من اللخبطه...
حضرتك هات برتقاله واحده ..
ونفركش عم فشكول .

Unknown يقول...

Mr.Hazem
لم يكن مروري بمدونتكم الأول
أنا دائما من روادها ..
يدوم التواصل ...

هــو..مش ..نـو يقول...

طبعاً...الصبر يكسب
كان نفسك تبيع الشقه ب90أو95
بعتها لبتاع المخدرات ب50
اتعرض عليك 70و تقسط20يعني 90
مارضيتش .
رجعت بعد سنين بيعه المعلم المحبوس
أشتروها الطفلين ب3أمثال سابقهم وزياده
3أمثال في50 = 150غيرالزياده.
يا مكاسب الصبر..
---هو..هو ..---  

♥ سحر ♥ يقول...

بداية ,بارك الله لك العشر يا أخي العزيز ...فركشاوي واكسبك العمل واثابك بالأجر الصالح

قلبك طاهر وصافي صفاء الماء الزلال يا فركشاوي ..,
لا أن اسهب في حرفي لكن :
الأطفال جنّة الدنيا لا محال
وجميل ان تملكهم قلب كـ قلبك

فركشاوي:شكرا جليّ لسؤالك عني
قلبك طهر بيلسان
لك بآقة أرجوان

اقصوصه يقول...

انا الاطرش

اللي في الزفه

شو الموضوع؟

هــو..مش ..نـو يقول...

اتابعك دائما ...
لمست عندكم صدق الكلمه و حلاوه التعبير
عرفت حبكم للخير و البحث عنه في كل مكان
هذه المدونه من المدونات التي أعجبتني ...
ألقي عليها نظره ...
http://marrokia.canalblog.com/

جلال كمال الجربانى يقول...

أهل غزه أولى

وكل عام وأنت بخير حال والى الله أقرب

فشكووول يقول...

السلام عليكم فركش بك

تحياتى
عيد سعيد وعمر مديد اعاده الله عليك بالخير واليمن والبركات .. وكل عام وانتم بخير وسعاده

مشروع جديد ناجح يقول...

حكاياتى كيلو البرتقان بقى ب3 جنيه والجنيه محصلش ربع دولار
طيب والخمسين قرش تبقى بكام سنت يا معلم
برد المعلم مين السنت ده ياستاذ اقول له
ايه اقوله ادينى نصف كيلو موز وكيلو برتقان علشان النهارده العيد وانا وعدت العيال اجيبلهم فاكه تمت

الكحيان يقول...

تقبل الله منا ومنكم .. عيد مبارك وأرجو المعذرة على الغياب كل عام وأنتم بخير

حسام الأخرس يقول...

ومنيح يلي بعت ياعمي بس أنا ماكنت أعرف على شو ناوي :) تحياتي أخي العزيز وعيد اضحى مبارك وسعيد لجميع اهل مصر الاحباء :)

مُهاجر يقول...

انا في الحقيقه لم أفهم شيئ
عُدت وقرأت البوستات السابقه
فهمت و الحمدُ لله .
وزاد فهمي شرح (هو..هو)

Unknown يقول...

هــو..مش ..نـو:
الله عليك ...
لخصت الحدوته في نوته
والله براVووو

Unknown يقول...

واحد من العمال :
وحضرتك بخير..
أهل الحق اولي به.

Unknown يقول...

فشكووول :
وعليكم السلام ورحمه الله وبركاته
فشكل باشا .
تقبل الله منا ومنكم
وبشكرك جداً علي الأهتمام

Unknown يقول...

ahmedhany:
أنا كمان مُش عارف ايه الحكايه...
رحت مدونتك توهت هناك
ولا عرفت اعلق ولااخرج منها .

Unknown يقول...

ملكة الأحساس ♥
بارك الله لك كُل العام
وتقبل الله منا ومنكم صالح الأعمال

Unknown يقول...

اقصوصه:
انا الاطرش
اللي في الزفه
شو الموضوع؟
لا...يا سيدتي
أنا الليّ ما بعرف ازف.
هذا هو الموضوع

Unknown يقول...

حسام الأخرس :
ناوي علي خير إن شاء الله
نورت المدونه ...عيدك سعيد.

Unknown يقول...

الكحيان:
تقبل الله منا ومنكم
عودا حميدا
وحمدا لله علي سلامتك.

Unknown يقول...

مُهاجر:
ما هو ( هو..هو )
المترجم بتاع المدونه .
الحمدُ لله أنك فهمت .