الأحد، 1 مارس، 2009

السـلام ...يا سسسسلااااااام.


واحد من العمال يقول...
السلام عليكم ورحمته وبركاته
أعتذر للغياب وحشتونى..
والله وبعدين أغيب شويه الاقى العلاقات متفشكله وومتفركشه والمشكله أن الدولتين حبايبى والعلاقات معهم عال العال ومضطر أبقى تبع مدونات عدم الأنحياز
ومهما كانت الأسباب الصلح خير والسلام بينكم لازم يبفى خيار أستراتيجى ولا عايزين تقضوها مفاوضات وتحرمونا من بوستاتكم الرائعه التى ننتظرها وبنطخ لها المشاوير .. السلام ياقوم
******وإليكم البيان التالى******
الصادر من الهيئه العليا لعدم الأنحياز التدوينى
وننتظر أعلان فورى من كلا الطرفين بتهدئه الأجواء إعلامياً
وسحب القوات من على الحدود وسحب جمبع أسلحه الدمار الشامل والجزئى والترللى وتوطئهً حلوه توطئهً دى لتطبيع العلاقات كمرحله أولى سريعاً وفورا
ًتوطئهً تانى..
لعوده العلاقات الكامله بين مدونتى الغالى فشكول دوت كوم والحبيب فركشاوى ناوى..
وينشر هذا القرار على الصفحه الأولى بكلا المدونتين لأثبات النوايا الحسنه من كلا الطرفين
ولقد أعذر من أنذر
وجارى البحث فى العقوبات التى ستوقع على مخالف هذا القرار
واسعه شويه دى عدوها
ودمتم جميعاً بخير
والسلام عليكم ورحمه الله وبركاته
****
وعليكم السلام ورحمه الله وبركاته...
تصفيق حاد وافراح في انحاء البلاد...
( لأنتهاء الحرب البارده )
سلام..سلام ..سلام

هناك 34 تعليقًا:

مـجـنـووون يقول...

حمدالله علي السلامه

وربنا ميجبش مشاكل ولا خلافات أن شاء الله

تقبل مروري أستاذي العزيز
مجنووون

واحد من العمال يقول...

وبالسلام أنتم بديتم بالسلام
ياااااااااااااااااااسلام

وبعدين عمنا فشكول كان قاعد يتلكك علشان حد يصالحكم
برجاء ضبط النفس لحين عوده الرسل من دوله فشكولستان
يمكن موصلوش لسه أوعاملهم حفل أستقبال وتكريم بأكله لحمه متفشكله
الصبر حتى عوده الرسل

ودمت بخير

أحمد عمر يقول...

يا سلام سلام دا عم احمد اللى ف الاصل اسمه صلاح بيتكلم ^_^


أيه البيان دا؟؟ و ازاى و كيف و متى و اين و حيث و لماذا و هكذا و كذلك ...


ع كلا نظراً لطبيعة اطراف النزاع السلميه فيقبل الامر و يعاد النظر ف القضيه محل الخلاف -طبعا ماحدش فاهم حاجه *_^ -
---

سيد احمد كنت قلق عليك و ع عم صلاح و الحمد لله انى لقيت لك تدوينه يعنى مازلت ع قيد الحياة *_*
-امزح^^ -

تمنياتى لكم بالسعادة ^_^

فركشاوي ..ناوي يقول...

بسم الله الرحمن الرحيم
أحمدك يارب ...أخي العزيز/(مجنون)
الله يسلمك ...وأحسن مكسب كسبته في معركتي مع فشكول(..وراه ..وراه )انك دخلت مدونتي ..مبروك عليا ...ويارب ما نتحرم من مرورك ...شرفتني.

فركشاوي ..ناوي يقول...

واحد من العمال:ـ
---------------ما يجيبها الا رجالها..كتير تدخلو في الموضوع مساعي حميده و نفيسه و شفيقه ...بس أنا خايف يكون فشكول (وأنا وراره ...وراه )كامل الحكايه دي كمين .
والله ...يخليك خليك معايا لغايه ما يرجع...وربنا يستر...

فركشاوي ..ناوي يقول...

أحمد عمر:ـ( أبوسما)
===============وحتي ومتي ولأن becuse هو كمان بيحب السلام ...هو أنت كنت عايزني أموت ؟ ربنا يسترها معانا ومعاك...الحمد لله جات مستوره .
بس برضوه ماحدش فاهم حاجه ..أحسن!

رئيس التحرير يقول...

بسم الله الرحمن الرحيم
فركشاوي ...
السلام عليكم ورحمه الله وبركاته.
بسرعه كده يا فركشاوي ...ايه دا باين عليك انت خواف أوي...من غير زعل ارجوك...ازاي فشكول يكسب منك المعركه دى؟
عموما البطيب احسن...
يلا بقي فركش لنا اسباب المعركه والي مش فاهم يفهم !!!

اعشق فى الليل ضوء القمر يقول...

الصراحه أنا بتابع معلمى فشكول من فتره صغيره ولما إبتديت أفهم منه ألاقى فركشاوى
أيوه ما هى كانت نفقصه فشكول و فركشاوى
بس عجبتنى الهدنه مع إنها من منطق القوه
هههههيهههههه

هــو..مش ..نـو يقول...

في الكره مدعيين ...وفي الفرح منسيين؟
يعني عند الخناق تتكلموا عن (هوهو)
وفي الصلح مافيش (هوهو)
مبروك الصلح...
===هوهو==

ماما أمولة يقول...

السلام عليكم ورحمة الله وبركاته

الحمد لله على قرار سحب جميع الاسلحة بدون تدخل من مجلس الامن التدويني
وكنا هانجيب مدونين أجانب على الحدود بين فشكل وفركش

الحمد لله جت خير من أهل الخير

وتصبح على كل خير يارب

كراكيب يقول...

ياااااااا الف مبروك
ايوة كدة شطار
مش عايزين خناق تاني
ما تشمتوش الناس فينا
يلا كل واحد يبوس راس اخوه

فشكول وفركشاوي..
ربنا يخليكوا لبعض
;)

miro el niro kwaniro

ادم المصرى يقول...

يا استاذى الصلح خير


والقاظمين الغيظ

ربنا ميجيب اى مشاكل

على عبدالله يقول...

السلام عليكم

يا عم هو احنا لحقنا
سلام من اولها
:) هههه

الحمد لله الطيب احسن
يا سلام لو نتوحد ويبقى عدونا واحد
تبقى اخر هنا


دمتم بكل خير وحب وسلام

أحمد عمر يقول...

لااااااا موت ايه

انا قلت عم صلاح "رقدلك" حد ف "الدرة" -:))

طبعاً بما اننا كلنا صعايده ففهمين و سيبك من اللى مش فاهم و اللى انا اصلا واحد منهم :-)


دخلت اطمن بس يا رجل يا طيب :-)

فركشاوي ..ناوي يقول...

رئيس التحرير...
وعليكم السلام ورحمه الله وبركاته يا ريس..
انا عملت بنصيحه سيادتك يا ريس
وقريبا جدا نفركش الاسباب ...بس مش قبل فشكول ما يفشكل الحكايه ...
تشرفنا بروركم الكريم يا ريس...

فركشاوي ..ناوي يقول...

اعشق فى الليل ضوء القمر:ـ
بصراحه فشكول ...معلم الكل وليس معلمك وحدك...
فشكول وفركشاوي وفركشاوي وفشكول صعبه دي خلي العزيمه قويه...
الله يقويكي.

فركشاوي ..ناوي يقول...

هوهو....
الله يبارك فيك..
احنا بتكلم عنك في كل مناسبه يا هوهو
ولولا اننا بنحبك ما نجيب سيرتك يا هوهو
عمك فشكول عامل وليمه كبيره بعد الحرب.
بعت لك دعوه ...
شرفت يا ...هوهوه

فركشاوي ..ناوي يقول...

ماما أموله العسوله....
وعليكم السلام ورحمه الله وبركاته
لازم شويه تهريج يا ماما خلي الهم يفك شويه ...عم فشكول جميل في نقده اللازع لاحداث الحياه .
قلنا الحدود شايله اهلها بالعافيه نجيب قوات دوليه كمان هي ناقصه؟
لك كل الود والتقدير ماما أموله

فركشاوي ..ناوي يقول...

كراكيب:ـ
ايه بقي رأيك سمعنا الكلام ودخلنا نمنا
بس فشكول كان بيحدف علي قذائف ( منتظر تالزيدي ) من تحت البطانيه و المراقبين الدوليين رفضوا يسجلوا الوقائع ...والله العظيم دا ظلم.
ربنا يهد كل مفتري ...وكل ظالم.
كراكيب ...شكرا لك

فركشاوي ..ناوي يقول...

ادم المصرى:ـ
قاظمين برده يا آدم؟
ادام الله عليك نعمته
قظمنا عيظنا يا آدم
علشان خاطرك...

فركشاوي ..ناوي يقول...

الاستاذ/علي عبدالله
الحمد لله الطيب احسن
يا سلام لو نتوحد ويبقى عدونا واحد؟
تبقى اخر هنا
نعم اخي العزيز عدونا واحد بس لازم نتفق هو مين؟
استاذ علي ممكن نتفق؟

فركشاوي ..ناوي يقول...

أستاذ /احمد عمر
شكرا لك مساعيك الحميده ...
الرقد في الدره ما عاد يفيد
الرقد اليومين دول تحت البلاط ( الملكي)
دمت ...أبوسما ...بخير

نفرتارى يقول...

تفتكر ان ممكن حد يقدر على زعل الناس اللى بيحبهم وبيعتبرهم اعمدة تشيد .. بجد مش ممكن .. وعلى فكرة انا علقت فى البوست اللى فات وكل بوست انا حريصة على قرأته ومتابعة للفشكلة اللى بين حكيمنا وبين مؤرخنا .. وعلى فكرة اول ما دخلت على المدونة اول حد بوست فتحته عند حضرتك ويليك اميرنا رئيس التحرير .. وانا لى عندك عتاب انت ورئيس التحرير على عدم متبعتكم لكوكبنا .
واللى هيخدلى حقى من الزعل ده بابا فشكول .. هو اللى هيحكم بينا .

نفرتارى

بس خلاص ... يقول...

انا جيت ربنا يقدرنا على الخير ....

من بس خلاص المخلصة جدا لمملكة التدوين وعايزه الامور تبقى هاديه وعال العال ومن غير مشاكل بتشكر واحد من العمال على المساعىالحميده اللى بتتقال ولكن ...هناك شروط للصلح قد طلبها منى فركش الغالى :
اولا :
الطرف الاول :فركشاوى بما انه ناوى ولسه ماقالش ناوى على ايه
الطرف الثانى فشكولنا العزيز جدا صاحب اكبر فشكله تنويرية
ان يلتزم الطرفين بكتابه تدوينه شهريه يشاكس فيها كل منهما الاخر بطريقته الناقده اللوذعية من خلال موضوع يتم الاتفاق عليه بينهما
ثانيا:
ان يستدعى كل منهما احدى المدونين سواء من اصحاب مبدأ الحيادالتدوينى الايجابى او مبدأ شعللها علشان تحلو ... لمساندته
ثالثا :
تقترح البريئة جدا بس خلاص الى كل من تسول له نفسه فى المشاركه لعمل فرق منظمة للتدوين السلمى لحماية بنود المعاهده ومراقبة تنفيذها حرفيا والعمل بمبدئ تهدئة النفوس لضمان الاستمرار فى هذه الحرب السرمديه الابدية المفيده تدوينيا لانعاش الحركة التدوينية وحمايتها من الكساد

هه عملنا اللى علينا شدوا حيلكم بقا وقولوالى رايكم فى الفركشة والفشكلة دى

Soul.o0o.Whisper يقول...

ههههههههههههههههه

حقيقى بجد اعلان رائع جدا
و مبروك السلام عليكم
و يحيا العدل

و ربنا يخلى لنا مدونات عدم الانحياز
ههههههههههههههههه



أما بخصوص موضوع الاتفاق
فأرجو من حضرتك انك تقرأ التدوينة دى
http://voice00of00mine.blogspot.com/2008/12/blog-post_21.html
و بعدين هأقول لحضرتك وجهة نظرى
فى حكاية نتفق على ايه





خالص الود

محمد الجرايحى يقول...

أخى الفاضل: فركشاوى
سعيد بما تمر به من حالة نشاط تدوينى
وإن شاء الله نقرأ لك مزيداً من تدويناتك
الراقية عظيمة الفائدة
تقبل أخى مرورى
وتقديرى واحترامى
أخوك
محمد

assafo anaroze يقول...

ايه ده يا واحد من العمال ايه انت عايز الصلح ليه
اخنا عايزين الحرب تتواصل علشان نشوف قدرات كل واحد الحربية و نعرف مين اللي يقدر باساليبه وتكتيكاته ينتصر
و حقول لك حاجة احنا المنتصرين في الاخير
مودتي يا فركشاوي ناوي

صدى الصمت يقول...

ربنا مايجيبش زعل ويديم محبتكم دايماً ويعدى الأزمة بينكم على خير
تحياتى

Soul.o0o.Whisper يقول...

السلام عليكم و رحمة الله و بركاته

أولا حضرتك شرفتنى بجد بتعليقك
و فى انتظار المناقشة


بخصوص الاسم
soul whisper
همس الروح
أما
.o0o.
فبعض الاكسسوارات لا تضر
:)

بالظبط زى
voice of mine
صوتى أنا
و
.o0O O0o.
بعض الاكسسوار أيضا
:))



دمت بود

أحمد عمر يقول...

المحارب فرشكاوى ناوى ..


انت ركبت البتاع الطويل ابو نمر اللى بيدخن من ورا ولا ايه :-)

غايب يعنى؟!!>_<

ع الله خير ان شاء الله :-)

الازهرى يقول...

فى حالة فرض اى عقوبات على اى من الطرفين
او الاحتياج الى قوات دولية لفض النزاع
فانا لدى من الكتائب الجاهزة الكثير ويسعدنى ان اشارك بها
كما اعلن استعدادى التام للمشاركة والاستضافة لأى جلسات تفاوضية بين الطرفين
مع العلم بأن المشاريب والحساب على واحد من العمال
لان ميزانيتى قربت من الصفر وعامل مزاد علشان ابيع الحديدة

نفرتارى يقول...

حبت اعدى اقول كل سنة بصحة وسعادة وكل خير .


تحياتى ،،



نفرتارى

حقودي يقول...

ليه كده بس
دي كانت حتحلوا قوي وكان هيبقي عندنا تدوينات رائعه مشتركه علي الجانبين

هههههههههه حقودي بقي تعملوا أيه
بس يلا الصلح خير ولا يصح الا الصحيح
تقبلوا تحياتي

الحرامي يقول...

ايه دا كله
انا كنت جاي ادور علي سبوبه
ولقمة عيش
ولا اي حد اسرقه لقيت مفاوضات ومعاهدات سلام
اعمل ايه دلوقت
اسرق ايه طيب
طيب انا هعديها المرادي لكن المره الجايه انا هسرق هسرق يعني