الجمعة، 13 مارس، 2009

نبش...في الدماغ.

بسم الله الرحمن الرحيم
السلام عليكم ورحمه الله وبركاته...
رغم تحفظاتي علي قناه الجزيره والعاملين بها و القائمين عليها ...الا ان الحق لا ينكره عاقل ...
فالأعلامي (أحمد منصور)...مراسل قناه الجزيره في القاهره يتمتع بمساحه جيده في قلوب الكثير من المصريين ، كما يتمتع بمساحه أكبر في قلوب الكثيرين من العرب. وليس ذلك تفضلا منا عليه ،انما هو حقه رغم أنف الجميع.
هو ضيف مقبول في بيوتنا علي شاشه التليفزيون ( لجل الورد ينسقي العليق ) و من يستضيف في برامجه ولو كنا كارهين! رغم أهميه الموضوع الذي جاء بضيفه من أجله ...الا أن الضيف في براعه ( أصوليه ) معهوده يحاول تغير وتفريغ مضمون موضوع النقاش .
لمن لم يتابع البرنامج علي قناه الجزيره ، كان محور الموضوع اتفاقيه كامب ديفد وما ترتب عليها . وبما أن وزير الدوله للشئون الخارجيه و أحد الأعضاء المهمين في الوفد المصري ...د.بطرس بطرس غالي ...والذي اصبح فيما بعد نصف فتره أمينا عاما للأمم المنتحله . كان ضيف البرنامج وبسياسته المعهوده دافع بأستماته عن أتفاقيه كامب ديفد و هذا حقه . أما ان يلوي ذراع الحقائق و ينسب ما نحن فيه من قيود يهود كامب ديفد الي أوهام في رأسه و يملأ بها رؤس الآخرين فهذا هو الذي يعيب الرجل ....تضليل الناس ...والتهليل لأغراض خبيثه!!!
حسب كلام وزير الدوله الأسبق...ان ما تعانيه مصر من مشاكل سياسيه لعدم فرض سيطرتها السياديه علي أراضيها وحمايتها ...لا يرجع لقيود اتفاقيه السلام مع العدو ...بل السبب التيارات الأصوليه في العالم العربي ...ولا يخفي علينا ما المقصود بالتيارات الأصوليه !!!
حسب كلام وزير الدوله الأسبق ...ايضا ان مانعانيه من مشاكل اقتصاديه واجتماعيه وتعليميه ...الخ سببه التيارات الأصوليه ... و أيضا لأسباب اصوليه بحته ...مازال بيتر..(أسم الدلع لوزير الدوله في عهد السادات) يتمتع بقدر وافر من القوه في الدفاع عن الكيان الصهيوني ... و يتذكر جيدا ما قام بطبخه في الصياعه الخارجيه اثناء اداء مهمته الرسميه كزير دوله....ولم يتذكر قط فلاحين دنشواي الذين حكم عليه بالأعدام .
يبدو أن الأحكام الظالمه من ابناء مصر علي مصر ستظل تصدر منهم رغم الصراخ الدائم منه ..
الأعلامي/ أحمد منصور ...نشكرك علي ما بينه لنا وزير دولتنا الأسبق من تاريخ مصر ...كما كنا نود ان نتذكر معه... قاضي محكمه دنشواي... الذي حكم ظلما بأعدام الفلاحين المصريين أمام أهاليهم .
تنويه:ــ ربما لا يعرف الكثيرين ان القاضي المصري الذي حكم بأعدام فلاحي دنشواي ( مجامله لأسياده الأنجليز)هو بعينه جد المذكور ...الدكتور... بطرم بطرم رخيص.
تحديث لابد منه :أتشرف بنشر تعليق الاستاذ محمد الجرايحي لما فيه من فؤائد ...وتصحيح معلومات ..
( نص التعليق )
أخى الفاضل: فركشاوى السلام عليكم ورحمة الله وبركاته لوى عنق الحقائق أصبحت هواية الحكومات العربية....وأكيد اتفاقية كامب ديفيد كانت وبالاً على الأمة ..وهى التى خلعت الطوق من رقبة اسرائيل
ووضعته فى عنق مصر.
أخى بالنسبة للقاضى الذى حكم على المصريين فى دنشواى كان اسمه الهلباوى وهو ندم بعد ذلك أشد الندم على فعلته وحاول طوال سنوات عمره التى تلت الحكم التكفير عن خطيئته وكانت له أيادى بيضاء كثيرة ولكن ظلت محكمة دنشواى وصمة فى جبينه حتى اليوم.
أما بطرس غالى الجد فقد كان عميلاً انجليزياً وتم اغتياله بأيدى مصرية.
تقبل أخى تقديرى واحترامى
أخوكم محمد

هناك 23 تعليقًا:

رئيس التحرير يقول...

بسم الله الرحمن الرحيم
فركشاوي...ناوي.. علي ايه؟
السلام عليكم ورحمه الله وبركاته.
تعالي هنا ...يا فركش رايح فين؟
انت في الجزيره ولا في احمد منصور ولا في كامب ديفد ولا غصت جامد في اعماق التاريخ علي دنشواي ...
من خلالك ...أدعو صديقك اللدود فشكول للكتابه عن الحدث التاريخي الدنشواوي يا فركشاوي ...
دا علي فكره ...أول تعليق ...

عصفور مهاجر يقول...

عم فركشاوي...
انا وصلت ...رجعت
عايز احكي عن الهجره ...والمهاجرين
لكن ايه اخبار الناس والمدونين؟
لسه برضه فيه الي كان قبل الهجره...
ليه م احنا كنا كويسين..
و مهاجرين!!!

معتز شاهين - باحث تربوي يقول...

مش بيقولك كل إناء بما فيه ينضح
عايز أيه من بطرس غالي

ماما أمولة يقول...

ولا زمان يا فركش

منذ متى لم يضللنا هؤلاء

ومنذ متى لم يقلبوا الحقلئق حسب اهوائهم

أنا راجعة تاني

سلام

احمد يقول...

أخي (فركشاوي)
السلام عليكم ورحمة الله وبركاته
له مواقف غير مشرفة لمصر
والعرب .. ولن ننسى موقفه القذر
مما حدث لإخواننا في البوسنة
وأسلوبه معروف وقديم .. أكذب
ثم أكذب ثم اكذب .. حتى يصدقك الناس
واتفاقية كامب ديفيد يعرف الجاهل
قبل العالم أنها قدمت مصر على طبق من ذهب لليهود ..
حمى الله بلادنا .. مصر الحبيبة من كل شر
وابقاها ذخر للإسلام والمسلمين

نفرتارى يقول...

حكيما الجميل ،،

بصراحة انا عندى نفس موفقك مع قناة الجزيرة وكل ما يخصها .. علشان كده انا مش بتابعها ابداً .
اسلوبك رائع فى سرد التاريخ .

تحياتى ،،


نفرتارى

assafo anaroze يقول...

يا فرشكاوي
عمر ذيل الكلب ما يتعدل زي ما بتقولوا
وبطرس غالي زي كل الوزراء العرب و الانظمة العربية ولاءها لاسيادها الراسماليين و الصهيونيين عمرو ما يتغير بل بيزيد طالما الامتيازات بتزيد
مودتي
فينك يا عم زرنا فزيارتك تسرنا

حاجــ عيال ــات يقول...

السلام عليكم
يارئيسنا ..رئيس التحرير سيب فركشاوي يقول ..دا احقاقا للحق
هتقوليلي محموقة ليه يابنت ياجيجي
هقولك من حقي اتحمق
الأستاذ أحمد منصور بلدياتي وصديق خالي الحميم ..
واحنا كلنا بنحبه وبنحترمه ونفخر بيه
اتكلم كتير عنه يافركشاوي باشا..واحنا هنسمع

محمد الجرايحى يقول...

أخى الفاضل: فركشاوى
السلام عليكم ورحمة الله وبركاته
لوى عنق الحقائق أصبحت هواية الحكومات العربية....
وأكيد اتفاقية كامب ديفيد كانت وبالاً على الأمة ..وهى التى خلعت الطوق من رقبة اسرائيل ووضعته فى عنق مصر.
ــــــــــ
أخى بالنسبة للقاضى الذى حكم على المصريين فى دنشواى كان اسمه الهلباوى
وهو ندم بعد ذلك أشد الندم على فعلته وحاول طوال سنوات عمره التى تلت الحكم التكفير عن خطيئته وكانت له أيادى بيضاء كثيرة ولكن ظلت محكمة دنشواى وصمة فى جبينه حتى اليوم.

أما بطرس غالى الجد
فقد كان عميلاً انجليزياً وتم اغتياله بأيدى مصرية.

تقبل أخى تقديرى واحترامى
أخوك
محمد

assafo anaroze يقول...

فركشاوي
“اسافو” اسم ليس حقيقي بل رمز و هو اسم امازيغي ويعني بالعربية : المشعل
شكرا على اطرائك
مودتي

صدى الصمت يقول...

أنا كمان مش من متابعى قناه الجزيرة الدائمين لتحفظى على هجومها الشديد على مصر فى بعض المواقف
والحقيقة أول مرة أعرف إن القاضى فى عهد حادثة دنشواى كان جد المذكور
أشكرك على معلوماتك القيمة
تحياتى

عاشقة الورد

شمس النهار يقول...

لا كده الموضوع اتفركش خالص
ركز كده معايا نوضبه تاني
قناة الجزيره:شاطره في طرح القضايا المصريه والغوص في مصايب المجتمع المصري المباح للكل اعلاميا والا تجرؤ علي فعل المثل مع اي دوله عربيه
احمد منصور:رخم ومهلل القيادات المصريه بوقاحه يحسد عليها
الحلقه الوحيده الكويسه مع محمد صبحي الممثل ومريم نور اللي حاول يرخم عليها اكلته بالهناء والشفاء
اتفقيات كامب دفيد :كفانا بكاء علي اللبن المسكوب ونفكر في بكره
بطرس غالي: يعني جت عليه هو ماكله بيتكلم وكله عامل نفسه عالم ببواطن الامور اللي هي ملعبكه اصلا
بس بصراحه اول مره اعرف ان جده هو القاضي بتاع دنشواي
طيب بتحاسبوه ليه انت مش عارف ان العرق دساس
علي فكره انا مش بحب السياسه والا بحب اتكلم فيها خالص
بس حبيت كده افضفض شويه
فاماتاخدش علي كلامي اديني بتكلم في اللي ماليش فيه يعني جت عليه

اقصوصه يقول...

اممممممممم

فعلا تدوينة نبش:)

الله يمهل ولا يهمل اكيد :)

fashkool يقول...

ايوه يا حبيبى اقعد انت بس فركش .. وقول بيتر اسم الدلع .. لأ يا حبيبى بيتر الترجمة الاجنبيه لبطرس .. انا شفت الحلقه دى وما فهمتش حاجه من بيتر خالص والراجل كان مزنوق وبيقول اي كلام واحمد منصور كان فايق عليه قوى .. عارف يا فركشاوى انا نفسى الاخوان المسلمين والتيار الاصولى يختفوا من مصر عشر سنين بس عشان نشوف الغجر دول حيعملوا ايه وحيتحججوا بايه .. والله الحال ما حيتغير .. هيغترعوا حاجه تانيه يتلككوا لنا بيها .. ويمكن هما اللى يروحوا يتفقوا معا الاخوان عشان يطلعوا تانى .. اصل الاخوان والتيار الاصولى هما الشماعه بتاعة الغجر دول
يالا سلام

GiGi يقول...

بجد اسلوبك روعه
وانا فعلا شفت الحلقه دي
حسيت انه شويه هنطلع مظاهره ونقول عايزين تلاته كامب ديفيد من كتر ماهى روعه وجميله
تحياتى

♥ ملكة الأحساس ♥ يقول...

خريطة شطرنج .. ملونة .. بدماء الوقائع ..
الهزائم التي نخوضها.. وتمارسنا ..
اليقين الذي ما ضاق أن يتسرب إلينا ..
الجنود يقتلون ..
والملك في خطر ..
الوزير .. تراجع ..
حتى القلعـة .. فضلت الهرب ..
زمن الخيانه ..
عفواً الوفاء ..
رقعة حياه كانت على هذا الشكل ..
أبيض وأسود ..
بُني وبيج ..
غامق وفاتح ..
حب وكره..
خير وشر ..
وفي النهاية هُناك مُنتصر واحد ..
يدوس دماء المحاربين ... ..
ويمضي ..
ربما كان ملكاً .. أحمقاً لا يجيد يتحرك ..
أو وزيراً .. ذكيآ ..
لا أحد يعلم ..
فركشاوي سيأتي يوم يتحسس اولئك ريشاً على رؤسهم
ونحن.................!!
سنواصل اللعب .

:
لك ودي
وعاطر وردي

بس خلاص ... يقول...

فركشاوى ...كلام جميل وكلام معقول ماقدرش اقول حاجه عنه ...لكن اولا انا لااشاهد قناة الجزيرة وبالطبع لم اتابع الحوار فمش هقدر افتى زى العادة
كامب ديفيد قد تكون بها بعض الاشياء التى نتحفظ عليها ولكن ليست كلها سيئة وبيتهيأ لى لو كان العرب فى الوقت اللى انعقدت فيه الاتفاقية على قب رجل واحد كانت ممكن تكون اكثر ايجابيه وقوة وكانت هتكون لصالح الكيان العربى لانه اليهود مش بيخافوا من اى شئ غير من الاتحادات العربيه والاسلاميه على وجه الخصوص
وبالنسبه للشماعات فما اكثرها يافركش وبالنسبه للخيانات والتطواءات فحدث ولا حرج
... شفت بقا الفركشة دى شكلى كده مش فاهمه اى حاجة فى اى حاجة انا جيت افركش معاك وخلاص

Soul.o0o.Whisper يقول...

السلام عليكم و رحمة الله و بركاته

أولا باعتذر على التأخير
و أرجو المعذرة


بالنسبة للكلام اللى حضرتك كاتبه
طبعا صحيح و ماليش كلام عليه -بخصوص لوى الحقائق-

بس اللى عاوزه بس اعرفه
هى فين الحقيقة بجد؟؟!!!..


مش عارفة



دمت بود

fashkool يقول...

ايه يا فركشاوى انت بتفكرنا بدنشواى ليه يا عم الله يخليك البلد دى جنب بلدنا وكل ما اعدى من عليها اقول يا رحمن يا رحيم .. اصل اهلها صعب قوى والبلد دى مليانا ثارات بينها وبين بعضها. واللى يعدى عليها ويفوت يبقى مولود جديد

تحياتى

الازهرى يقول...

حبيبنا الفركشاوى
وعليكم السلام ورحمة الله وبركاته
لاااااااااا
انا موافق ابعت الكتاب لكن فين العنوان
انما تتهرب من المجى فلا و1256 لا
انا مستنيك والا تدفع غرامة خمسة وسبعين قرش فورا
واعذرنى انى مش متابع لكن باذن الله راجع بعد العرض

تحياتى وخالص مودتى

أحمد عمر يقول...

السلام عليكم و رحمة الله و بركاته

طبعا و كالعادة اعتزااااااااار كبير لحضرتك لتغيبى الفتره اللى فاتت عن مدونة حضرتك لظروووف قاهريه -مش فيوميه لا قاهريه ^^ يعنى مش من بلدنا ^^ .. -

--

طبعا تابعت الحلقه و شوفت د\بطرس و هو بيدافع دافع مستميت عن الاتفاقيه و محاولتة المستميته و المفضوحه بلصق كل ما وصلت اليه مصر الى الحركات الاصوليه و كنت اتمنى ان يتمتع بشجاعه أكبر ليصرح بها لانها تحملت تأويلات كثيرة ..
---

بمناسبه حادثه دنشواى فأعتقد ان معلومة حضرتك كانت صحيحه طبقاً لما ورد ف (الموسوعة الحرة ويكييديا) حيث جاء ما نصة:
((لعب بطرس غالي"جد المذكور" دورا كبيرا في حادثة دنشواي التي كانت من النقاط السوداء التي سجلها التاريخ في حق الإنجليز أثناء احتلالهم لمصر، وملخصها أن عددا من ضباط الجيش الإنجليزي خرجوا لاصطياد الحمام في قرية دنشواي فأصيبت إحدى السيدات بعيار ناري فقتلت في التو واللحظة واحترق أحد الأماكن التي يتم فيها تخزين القمح، فاستشاط أهالي القرية غضبا وهاجموا هؤلاء الإنجليز ففر البعض وتوفي أحدهم من تأثير ضربة شمس ، فعقد الإنجليز محاكمة لتأديب أهالي القرية ، ورأس هذه المحكمة بطرس غالي باعتباره قائما بأعمال نظارة الحقانية في (7 من شوال 1324 هـ=23 نوفمبر 1906م)، وقضت بالإعدام شنقا لأربعة من الأهالي ، وبالأشغال الشاقة مددا مختلفة لعدد آخر، وبالجلد خمسين جلدة على آخرين، وتم تنفيذ الأحكام بعد محاكمة استمرت ثلاثة أيام فقط وأمام الأهالي)) أنتهى.

و انصح الجميع بان يستقطع وقتاً قليلاً للتعرف ع التاريخ "المهبب" لجد بطرس غالى ليعرف ان مصر ما كانت مستنيه الاصوليون علشان يخربوها زى ما قال سيادته لانها جده ما ترك شئ يتخرب اصلا >_<

زوروا الرابط التالى:

http://ar.wikipedia.org/wiki/%D8%A8%D8%B7%D8%B1%D8%B3_%D8%BA%D8%A7%D9%84%D9%8A#.D8.B1.D8.A6.D9.8A.D8.B3_.D9.85.D8.AD.D9.83.D9.85.D8.A9_.D8.AF.D9.86.D8.B4.D9.88.D8.A7.D9.8A
----
اتمنى اكون ضيف خفيف عليكم :-)

assafo anaroze يقول...

يسعد مساك
مرور للتحية و السلام
"الامازيغ بين التاريخ و الحاضر"
في انتظارك
مودتي

اصحى يا مصر : اسلام ديو يقول...

استاذى الفاضل
اولاً اشكرك على البوست الأكثر من جميل
والمدونة الأكثر من جميلة
ولكنى يوجد لنا كلمة

احمد منصور قدر انه يكشف كل اسرار الثورة ، وعرفنا انها كانت مجرد انقلاب عسكرى ، واحنا اللى سميناه ثورة ، وان مصر اللى كان ماسكها عصابة ، وقصده ان العصابة دى موجودة ولازالت

تحياتى