السبت، 23 يناير، 2010

أبو عـيون حمـرا .


قـلما يمر النوم عـلينا بهدوء ...يأتي علي غره احيانا فـنقاومه ...
( فـما أطال النوم عـمرا ...ولا قـصر بالأعـمار طول السهر)
وكثيرا ما نطلبه فلا يستجيب مما يجول بالخاطر من توافه وعـظيم الـفـكر ..
وكما لو كنت بين اليقـظه و المنام ...ولازلت حائراً في أمر ذلك الأنسان ...ذلك المجهول .
كيف يلتقي بأرواح الصادقـين الحالمين دون ترتيب او سابق ميعاد ...
موضوع طويل و مثمر ...طرحته (مدونه من نور) كما اشارت إلي من سبقـوها في الطرح.
ما كدت أنتهي من مطالعته و التأمل فيه ...حتي وجدت الفكر يطير بي...إلي مدونه الست الفاضله ..
( أمل حمدي ) ...ماما أموله ... نفـس الكلام و نفس الموضوع ونفـس الحاله الغير مُرضيه .
حالنا ...كأصحاب فكره ...أو كـنُخبه كما عبرت عن ذلك ماما اموله ...أحوال المدونين ...
الكبار و الصغار الشباب و الفـتيات أو الأولاد و البنات ... و افكار وحكايات ...كتيره .
لا أدري كيف أدخل في الموضوع ...فـمازال النوم يداعـب جفوني ... و مُصر علي مواصله جنوني .
والخوض في الموضوع بلا مقـدمات ...
عارف 100 الف مليون حجر ستُلقي عـلي أم رأسي ...
لكن ...بالهداوه كده وواحد واحده كي لا يفهم أحدنا الآخر بطريقه خاطئه ...
بالراحه ...سامحوني ...
(1) شرعـيه العلاقـه بين المدونين و المدونات .
(2) شرعـيه لا أقول كل ...بل بعض التعـليقات .
(3) ما هي الآداب العامه و الأخلاقـيات التي يجب أن نلتزم بها .
آي... أي ...آآآهه
دي ...بنتي شالت النظاره من عـلي عـنيه و بتقولي ..
يا بابا عـنيك حمـرا .

هناك 28 تعليقًا:

كلمات من نور يقول...

لسه شايل النظارة يا فركشاوي؟؟

طيب البسها علشان تقرأ التعليقات

كلامك صح أكيد وبالطبع المقصود بعض الفئات التي لا تراعي الله في التعليقات وتدع قول الحق و طاعة الله عنها ...هؤلاء من نقصدهم ولكن أحيانا البعض بسلامة نية يقوم برد فكاهي مرح فيعتبره البعض نوع من أنواع الدلع البناتي أو الاستهبال الشبابي ووووو .فيبقى الأحسن نتقي الله في كل أعمالنا...تقدر تشيل النظارة وتخلي بنوتك تحط لك نقاط لتهدئتها .........أضحك الله سنك ولو الواحد معاها شوية حجارة كان راح حدفها على ناس تستاهلها مش عليك أبدا...تحياتي

فركشاوي ..ناوي يقول...

كلمات من نور:
حطيت قطره ...
ولسه الحال علي ما هو عليه
لنا كلام كتير في هذا الموضوع
دا موضعك أنت...وماماأموله
لكم كل التقدير ...

جايدا العزيزي يقول...

هههههههههه

اوعه تكون تقصدنى انا بالكلام ده

والله يا فركشاووووى معاك حق

بس عارف انا لسه مبتدئه


ولسه ما حصليش موقف من دول


بس ليل ونهار المدونه مطلعه عينى


وبقت حمرة خالص


تخيل عملت حساب ادسينس

باسم غير اسمى وعنوان غير عنوانى

هههههههههه

والنصيبه مش عارفه اغيرة


رزق الهبل على المجانين


تكون فى ايدك وتقسم لغيرك

ما تزعلش

الناس اللى تغلط ناس ما عندهاش مبادئ


وكويس انك لقيت حاجه تطير النوم من عينك


تحياتى

حنين يقول...

ازيك استاذى العزيز
طبعا كلامك مظبوط
بس هو اللى عامل مدونه بيتسلى وخلاص ولا مش لاقى حاجه يعملها فيدخل على المدونات يعلق بسخافه وخلاص.
المفروض يكون فى احترام فى التعليق واسلوب مهذب او يعلق فى المدونات اللى شبهة ويسيب المدونات اللى فيها فكر لاصحابها
معلش لايعنيك هؤلاء التافهين
يا استاذى الفاضل.

أمل حمدي يقول...

ههههههههههههههه

سلامة عينيك يا فركشاوي

ربنا يشفيك يارب

ومتخافش من حد الناس كلها بتقدرك يا فركشاوي

والحجارة لاهلها

وسلم لي على بنوتك

فركشاوي ..ناوي يقول...

جايدا العزيزي :
لا لا أقصد أحداً بعينه ...
كفاني ما بعيني.
وكمان انت المدونه مطلعه عينك .
هوأيه الحكايه ...
مافيش عين مطلعه مدونه؟

فركشاوي ..ناوي يقول...

حنين ..
كويس والحمد لله ..
والنبي فهميهم يا حنين ...
ربنا يكرمك ويعينك انت كمان

فركشاوي ..ناوي يقول...

السيده الفاضله /أمل حمدي
الله يسلمك يا افندم
وهي بتسلم عليكي...
وبتقولك تسلمي...يارب

الازهرى يقول...

والله يا عم فركشاوى الليله دى كانت موجوده فى مدونة شمس النهار
وكانت ليلة كبيرة قوى
يا ريت ترجع لها
اما بخصوص النضارة
فأنا لو منك اخلعها واعيش فى العالم الضبابى من غيرها
اكيد هيبقى احسن

شمس النهار يقول...

موضوع في غاية الاهميه

فعلا

المفروض اننا اسرة بمعني الكلمة الحرفي ان يحترم الصغير الكبير والعكس

ونحترم الكلمه ونعتبرها اغلي كمان من الامانة
ولانتجاوز في الحوار
ولا نتطاول بسخف علي بعضنا البعض

للكلمة قدسيتها

وان نراعي الاداب العامه في الحوار

واه من الاستظراف

ولا ننم علي بعض
ونحذر من التجاوز في التهريج
ونحترم بعض

في مدونات لاازورها ابدا بسبب كم التجاوز والشتايم اللي بتكون في البوست

في النهايه لابد ان تكون العلاقه في حدود الادب والاخلاق والاحترام المتبادل

اشكرك علي البوست

سلامي

أبو كريم يقول...

أبو الفراكيش

أخبارك إيه يارب تكون بخير
أنا قريت البوست بتاع ماما أموله وهى عندها حق فى حاجات بس انا مقتنع ان اى حد ممكن يكتب الى هو عاوزه مادام مفيش فى الى كاتبه كلام بزىء واحنا لينا الحق اننا نقرا او نعلق عليه أو لاء

تحياتى

كلمات من نور يقول...

ألف سلامة يا فركشاوي ...في انتظار شفاء عينك الحمراء اللي مخوفانا ...ولنا لقاء

فارس عبدالفتاح يقول...

سلام عليكم يا فرشكاوي

فركشاوي ..ناوي يقول...

الازهرى..
يا مرحبا بالأزهري الطّواف .
طُفت وشُفت الليله الكبيره ..
وبردوه ما قلتلناش
اي حاجه في الوضوع...
بالنضاره من غير النضاره احنا في العالم الضبابي .
يسلم مرورك ...

فركشاوي ..ناوي يقول...

شمس النهار ...
مُشرقه دائما بطلتك علينا ...
تسلمي من كل سوء ...
كمان هناك البعض الذي يريد ان يفرض علينا موضوع بعينه ولا رغبه لي في هذا الموضوع ولا احب ان أتكلم فيه فأجد من يدخل عندي بلا احم ولا دستور ...يفرض عليا الكلام بتاعه ...ايه رأيك في دوووول؟

فركشاوي ..ناوي يقول...

كلمات من نور ..
الله يسلمك (مامانور)
ليه الخوف...
والله عيني الحمرا ما تخوف .
تحياتي وسلامي.

فركشاوي ..ناوي يقول...

أبو كريم...
اهلاً بيك ...
واخبارك انت وكريم والأسره كلها ايه؟؟
بخير ان شاء الله .
طبعاً كُله حُر ما لم يضُر .
تحياتي وسلامي...

فركشاوي ..ناوي يقول...

فارس عبدالفتاح :
وعليكم السلام ورحمه الله وبركاته ...
يا... فارس عبدالفتاح
شرفت ونورت .

شمس النهار يقول...

ده ردي عليك علي تعليقك عندي
شوفته بعد مانزلت البوست الجديد


****
عارف اعداء النجاح دول عاملين زي رايه وسكينه

في بلوجر ماشي طيب نسيبه في حاله
لأ طبعا

لازم يطلع ميت عفريت

اللي يشتمك واللي يقول لك انت غلط
واللي يكفرك ويعتبرك ملحد

حاجه مش ممكن

بس يقولوا ويعملوا اللي يعملوه
انا اتطعمت خلاص ضد الاشكال دي

ياريت تقرا البوست اللي عملته لما رجعت بعد غياب اكتر من تلات شهور

نورتني

سلامي

فشكووول يقول...

الاول اليك هذه الطوبه
اشمعنى انا يعنى ما ليش نفس
انا قريت البوست عند السيده امل حمدى وعلقت عليه ولى وجهة نظر
اننا ندخل عند بعضنا ونعلق ويقرأ تعليقنا كل ما يريد وربنا يقرأها اكثر ما هو موجود من التعليقات بعشرات المرات ولذلك وجب الاحترام ودخول البيوت من ابوابها وعدم رفع التكليف بيننا وهذا حق للمدون وحق لأهله وزوجه او زوجته واولاده (ولازم ننادى بعضنا البعض بكلمات مؤدبه لا تؤذى او حتى تثير المشاعر او الاشمئزاز بل منتهى الادب لانى اعتبر ان المدونين من صفوة المجتمع الفكرى ولذلك علينا جميعا ان نكون على مستوى الحدث(حلوه مستوى الحدث دى) انا جبتها منين .

وبعدين يا سيدى هما كلمتين ونص بتكتبهم عندى .. انت قرفان منى كده

سلام عيكم

صدى الصمت - عاشقة الورد - يقول...

الحقيقة انت تحدثت عن نقطة هامة جداً فى عالم التدوين وهى التعليقات التى قد تتجاوز حدود الموضوع المكتوب والمراد التعليق علية وتذهب الى الأمور الشخصية الخاصة بالمدون وتتدخل فيها أيضاً
وأيضاً يوجد بعض التعليقات السخيفة من مجموعة شباب فاضى يجعل التدوين تسليتة ويقلل من قيمة التدوين وأهدافة الحقيقية التى تتيح للمواهب الحقيقة الظهور والإعلان عن نفسها لتبدع بحرية
وطبعاً انا واجهت كتير من التعليقات والمدونات دى
تحياتى

معتز شاهين - باحث تربوي يقول...

اعتقد أن المسألة دي اتحسمت من زمان وقتلت بحثا

ومش محتاجة تعليق

ويبقى التواصل

دودي فلسطين يقول...

هي كل مدونه يا فركشاوي
بتمثل صاحبها
او التعليق طبعا

بس في ناس كلامهم بيطلع عليه سكر
مش مسخره لاء بكون فكاهي
او شخصيتهم مرحه

انا بنت مرحه
واوقات بحب امزح مع هالعالم
مش تاخد كلامي استهتار

أمل حمدي يقول...

يارب تكون بخير يا فركشاوي

فينك

لسه عنيك تعبانة ولا ايه

ربنا يشفيك يارب

نور الدرب يقول...

للأسف كترت أوي امثال الناس الهدامةدول يا فركشاوي
عارف المشكلة في ايه
ان الانسان اللي بيكتب التعليق بينسي ان ربنا فوقه
وعارف هوا قصده ايه بالتعليق
ونسي حديث النبي " صلي الله عليه وسلم "
( ان العبد ليتكلم بالكلمة من سخط الله لا يلقي لها بالا يهوي بها في النار سبعين خريفا )

جزاكم الله خيرا علي البوست الرائع
تقبل مروري يا جميل

فشكووول يقول...

جيت بس عشان اطمن عليك

نهر الحب يقول...

موضوع كبير اختصرتة فى كلمات قليلة جدا
بص حريتك تقف على اعتاب حرية الاخرين
مع تذكر بأستمرا الاية الكريمة التى تقول
ما يلفظ من لفظ الا لدية رقيب عتيد
كم ان ومن الاخر كدة كل اناء ينضح بما فيه
فاهم حاجة توهتك صح ؟؟
اصلى انا كمان تهت

موضوع مهم ومؤلم جدا
ان يقال عن المدونين اللى كان من المتفرض انها ارقى بثقافتهم وتعليمهم وفكرهم واخلاقهم

عطش الصبار يقول...

فركشاوى
يقول محموددرويش
علمونا ان نصون الحب بالكره
وان نكسوا ندى الورد غبارا
اليس هذا حال بعض المدونين
نحن فى انتظار قلم يدعوا الى الود
الجميع يقدرك يا فركشاوى
لاتحرمنا من قلم يكتب بحروف من نور
تحياتى