الثلاثاء، 4 نوفمبر، 2008

بجـد ..بجـد أول كلام

الكلام كتير وكتير قوي ...وزي ما بيتغير المكان بيتغير الزمان وكمان الكلام ...وزي ما بيقول المثل ( الي ع البر عوام .)
قبل ما انوي اكون فركشاوي ...كنت فاهم فركشاوي غلط ...كنت فاهم انه حاجه كده يعني مش كويسه ...وعلشان نبقي( علي بلاطه) ..انا كان نفسي في الحاجه دي ...الخبص ..والفتتن..وتطفيش الناس من بعض.. ولو لقيت اتنين افرقهم ..اخليهم تلاته ماشي ..سته فى18 فركشهم ..فشولهم ولقيت حاجات كتيره قريبه من المعني ده ... زي رشهم ..بعترهم ..بعزقهم ..وعلي فكره حقيقي كل واحد من دول له مهمه مختلفه تماما عن مهمه الآخر ...لكن ليس هذا موضوعي الآن ...دا لو كان فيه موضوع أصلا...
المعني للفركشه كما وضحه الاخ الكحيان عجبني شويه وقلب موازين دماغي وفرغها اكثر مما هي فارغه ...أخويا فشكول ...قعد بعيد يراقب الموقف ويشوف انا راح اعمل ايه ؟ وبقي يدعيلي ...والله ما انا عارف بيدعيلي ..ولا بيدعي عليا..لكن انا شامم ريحه غير عاديه كده ...لازم تكون حاسه الشم عند الي زينا قويه شويه ...لكن لن تصل لقوه شم الش.....
الكحيان وفشكول بيحبوا بعض قوي ليه ؟ مش عارف ....وزاد الطينه بله ...واحد تالت كده معاهم اسموووه ...شفته كتير عند الكحيان ..وعند فشكول كمان ...وعلي فكره هما التلاته ...بيروحوا حنه مش ولابد ..حته كده يعني ...علي فكره ممكن تلاقوهم هناك دلوقت ...دي الريحه الي كنت ...بقول ريحه ايه دي ؟
ناس كتير تحب تتلزق في مطارح مش ولا بد ...وكمان بيبقي غير مرغوب في تواجدها ...يعني بالبنط العريض كده من غير زعل ولا ..فركشه ... دمها تقيل علي أصحاب المكان ...يا عم ..بلا هم ...أصحاب البيت راضيين ...انا ماااااااااالي
نرجع للمكتوب ...في كلام اخونا الكحيان ...نلاقيه جعل من الفركشه شيئا حسنا ...ولكنه لم يقل لنا في اي اتجاه نسير الي الخير ام الي الشر.
وهذا ما كنت اسأل عنه ...لقد ترك الامر مفتوحا ... وينتظر ناوي علي ايه ؟
انا كمان بسأل معاكم فركشاوي ينوي علي ايه ؟ هو ناوي ...ناوي ..
هنا خبر يمكن يفرحنا شويه ...فيه حبه بصاصين ..او مخبرين ..او خباصين ..او مبا.....نعوذ بالله ..يعرضون خدماتهم ..أي خدمه؟
ونتقابل قــريب أوي...فركش
الكحيان يقول...
يافركشاوي لا أدري من أي أمريك أعجب، أفأعجب من تجهيزك لبوستين في وقت واحد أم أعجب من قدرتك العجيبة على الفركشة وتأجيج النيران بين الأحبة، وماذا يافركش في أن نذهب إلى هناك إلى الأماكن إياها للتنزه والرفاهية والاستمتاع بالكلمات الرقيقة والتجارب الحقيقية؟ فإن النفوس تمل وتتبرم ولا بد لها من أن تحمض وأن تلهو ولو ببعض الباطل - إن كان ذلك باطلا - هكذا كان يفعل أجدادنا الأوائل وسلفنا الصالح ... أؤكد لك يافركش أن الله خلقنا أشتاتا لنا مزاجات وطبائع مختلفة، ومن الخير أن نلتقي على ما هو مشترك بيننا، وأن تتسع صدورنا وأن نتجاوز خلافتنا، والصواب دائما يفرض وجوده برقة وإن طال الزمن . مع تحياتي .
06 نوفمبر, 2008 03:43 ص

هناك 6 تعليقات:

Bondok يقول...

انا مش فاهم حاجة
و لو حد فهم يفهمني
الا هما بيروحوا فين؟؟؟؟؟؟؟؟؟؟؟؟

فركشاوي ..ناوي يقول...

ايه يا بندق حضرتك تغيب وترجع تقول مش فاهم...قرب وانت تفهم ..
وقلنا بيروحوا اماكن مش ولا بد ...عايزه شرح دي كمان ؟

الكحيان يقول...

يافركشاوي لا أدري من أي أمريك أعجب، أفأعجب من تجهيزك لبوستين في وقت واحد أم أعجب من قدرتك العجيبة على الفركشة وتأجيج النيران بين الأحبة، وماذا يافركش في أن نذهب إلى هناك إلى الأماكن إياها للتنزه والرفاهية والاستمتاع بالكلمات الرقيقة والتجارب الحقيقية؟ فإن النفوس تمل وتتبرم ولا بد لها من أن تحمض وأن تلهو ولو ببعض الباطل - إن كان ذلك باطلا - هكذا كان يفعل أجدادنا الأوائل وسلفنا الصالح ... أؤكد لك يافركش أن الله خلقنا أشتاتا لنا مزاجات وطبائع مختلفة، ومن الخير أن نلتقي على ما هو مشترك بيننا، وأن تتسع صدورنا وأن نتجاوز خلافتنا، والصواب دائما يفرض وجوده برقة وإن طال الزمن . مع تحياتي .

فركشاوي ..ناوي يقول...

والله لقد حيرتني أنت ...ولا أدري من أي أمر من أمورك أعجب ...
1 _ تاره اشعر انك تتكلم بلساني فيعجبني كلامك.
2 _واخري تتكلم بلسان صاحبيك رئيسكم وعمي فشكول..
3 _ وثالثه اتوه في هذا الكلام فلا اعرف لي رأس من قدم
4 _ ... ؛5 _...الخ ياسيدي ...لا تلف رأسي وتمرغها في الوحل..ورسيني كي ارسي معك ...( لكن مش في الحته الي بالي بالك ).

Bondok يقول...

لا مش محتاجة شرح
محتاجة وصف عشان اروح معاهم

فركشاوي ..ناوي يقول...

بيروحوااااا كاباريه ..يا بندق