الجمعة، 21 نوفمبر 2008

حــيرونـي ..معاهــم


اللهم اجعل كلامنا خفيف عليهم ..يارب...قـادريـا كــــــــــــــــــــــريـم..
الجامعه الامريكيه ...لها مقر بسم الله ما شاء الله في قـلب القاهره . الي عنده مانع يقول ... اهداف الجامعه معلنه ومش مستخبيه ( هتعمل ايه يا فشكول ) حبايبنا الي عندهم عقده الخواجه وبيجروا علي كل صيني ..بيجروا علي الجامعه الامريكيه . تورمت وتضخمت الجامعه وضاق عليها المكان وكتم علي نفسها ..حرام تتنفس وتكتم علي انفاس الي ما يعجبهوش... وبقدره قادر تحصل علي مساحه 260 فـدان اي والله..ما هي بتملك الي عايزاه في اي مكان (الخبر من جريده القدس) لتقـيم... واقامت المقر الجديد ..ويفاجأ الطلبه ان المقر الجـديـد قـال ايـه مافـيهوش مكان للصلاه ! يا ناس الحـده بتحـدف كتاكيت ؟ اداره الجامعه اعلنتها بصراحه وقالت احنا لا ح نبني جوامع ولا كنايس وال مش عاجبه يخبط دماغه في الحيط . نـفـكر شويه الـرد يكون ايه ؟ الطلبه عملوا جبهه وشكلوا تشكيل وفصيل لبناء المسجد . واحد نـدد وهـدد واستنجد... بشيخ الأزهر. وكل واحـد حـر في الي يعـمله ...كمان انا حـر في الي اعمله.. انا عملت الي عليا وقلت لكم .... انتم هـا تعملوا ايـه؟؟
علي فكره ..الجامعه راح تبيع مقرها القديم ...تعرفوا مين المشري ؟؟.. الي يعرف
أجيب له تأشيره يروح هناك... القدس.
ياقدس عذرا ما عدنا نقدر..
ولا حتي نفكر..نقول أسمك!
ولا حتي نحلم نشوف رسمك!
ن يقول...

السلام عليكم 
أومال تقول ايه يا فركشاوى لما تعرف المصيبة دى إن بعض مدارس الازهر لغوا فيها المساجد وحولوها مخازن للبسكويت ال بيجى معونة للأولاد مشعرفة منين ويا ولداه عمالين بيضيقوا عليهم الاماكن لا المدرسين لاقين حجر يقعدوا فيها ولا مكان بيصلوا فيه بتكون قاعدتهم فى الهو الشمس تلسعهم والبرد يقرصهم أوم ايه على رأى الاستاذ فشكول المدرسين اتبرعوا من جيوبهم مع أولياء الامور وجابوا شوية خشب زى الغلابة وعملوا حجرة تقفيل أوم ايه مرة تانية تيجى لجنة تعملهم مشكلة إزاى يعترضوا على أنهم يتهانوا ويفضلوا واقفين طول النهار على رجليهم من غير سقف يحتموا فيه والصلاة لغوها علشان بتعطل الطلبة والمدرسين واليتيم يا ولداه بيعفوه آل ايه من مصاريف الكتب 40 جنيه ويطلبوا منه كشاكيل وأدوات ب200 جنيه المدارس ضاقت والعقاب ال عاوز يدخل الازهر يستحمل .. طيب تقول فى ده ايه .
انت عاوز تجيب الجامعة الامريكية زى الازهر ولا ايه هى براحتها تاخذ أماكن وتلغى دور العبادة أصلك فى البلدى ضيف .. مرة واحد قام وقال فى إنفعال 
ياناس ياهو هما بيلغوا المساجد فى المدارس ليه دا إحنا أيام الاحتلال البريطانى كان فى كل مدرسة مسجد يعنى لازم نجيب محتل تانى علشان نرجع ونبنى المساجد ولا ايه 
مع خالص تحياتى بوست فعلاً رائع

فركش..أوي .

كل أولادي الي في الجامه العلمـانيه ها ارجعهم الكتـاب يتعلموا علم الكتاب الأول ..وبعد كـده يـارب يتعلموا.. ف يدعوت احرانوت.



هناك 15 تعليقًا:

ن يقول...

السلام عليكم
أومال تقول ايه يا فركشاوى لما تعرف المصيبة دى إن بعض مدارس الازهر لغوا فيها المساجد وحولوها مخازن للبسكويت ال بيجى معونة للأولاد مشعرفة منين ويا ولداه عمالين بيضيقوا عليهم الاماكن لا المدرسين لاقين حجر يقعدوا فيها ولا مكان بيصلوا فيه بتكون قاعدتهم فى الهو الشمس تلسعهم والبرد يقرصهم أوم ايه على رأى الاستاذ فشكول المدرسين اتبرعوا من جيوبهم مع أولياء الامور وجابوا شوية خشب زى الغلابة وعملوا حجرة تقفيل أوم ايه مرة تانية تيجى لجنة تعملهم مشكلة إزاى يعترضوا على أنهم يتهانوا ويفضلوا واقفين طول النهار على رجليهم من غير سقف يحتموا فيه والصلاة لغوها علشان بتعطل الطلبة والمدرسين واليتيم يا ولداه بيعفوه آل ايه من مصاريف الكتب 40 جنيه ويطلبوا منه كشاكيل وأدوات ب200 جنيه المدارس ضاقت والعقاب ال عاوز يدخل الازهر يستحمل .. طيب تقول فى ده ايه .
انت عاوز تجيب الجامعة الامريكية زى الازهر ولا ايه هى براحتها تاخذ أماكن وتلغى دور العبادة أصلك فى البلدى ضيف .. مرة واحد قام وقال فى إنفعال
ياناس ياهو هما بيلغوا المساجد فى المدارس ليه دا إحنا أيام الاحتلال البريطانى كان فى كل مدرسة مسجد يعنى لازم نجيب محتل تانى علشان نرجع ونبنى المساجد ولا ايه
مع خالص تحياتى بوست فعلاً رائع

Unknown يقول...

أخى الفاضل:فركشاوى
السلام عليكم ورحمة الله وبركاته
الجامعة الأمريكية أصبحت دولة داخل الدولة..وهذا الإقبال عليها والالتحاق بها دليل فشل جامعاتنا ، فالفارق فى المستوى التعليمى شاسع ولامجال للمقارنة
أما موضوع بناء مسجد فهذا يحدث فى مدارسنا وخاصة فى فترة تولى بهاء الدين للوزارة لم يكن يجرأ أى شخص على الصلاة بالمدارس أو إنشاء مساجد لأنه كان يقود حملة لتجفيف منابع الإرهاب أى الدين ..وماتراه الآن من انتشار لسوء الأخلاق بالمدارس وتفشى ظواهر الغش والتحرش والضرب والسرقة وغير ذلك كلها من نتاج التجفيف لم يعد هناك دين بمدارسنا..
فلماذا نلوم الجامعة الأمريكية؟؟؟

بس خلاص ... يقول...

السلام عليكم
بيوت الله مازالت موجودة وتكثر اعدادها يوما بعد يوم ..لان الله يحفظها ويصونها ..وان الله يدافع عن الذين امنوا ..والاسلام والمساجد والصلوات باقيه بحفظ الله ... وما يحدث مجرد احداث عارضة ممن يسيئون الفهم وضعف وقل ايمانهم
..فلا داعى للتشاؤم والاحباط ... لان الخير فى امة محمد صلوات الله وسلامه عليه الى يوم الدين

فشكووول يقول...

يا فركشاوى يا ناوى .. والله ما انا عارف انت ناوى على ايه .. ناوى تودينا فى داهيه والا ايه .. طب الجامعه الامريكيه حيبنوها فى مكان تانى على 260 فدان طب انت مالك .. طب المقر القديم حيبيعوه لناس جيرانا وانت عارفهم .. طب وانت مالك .. طب مش حيبنوا مساجد لاهل الاسلام يصلوا فيه .. طب وانت مالك .. طب (ن) بتقول ان فيه مدارس ما فيهاش مساجد .. طب هى مالها .. طب برضه هى بتقول ان اولياء الامور اتبرعوا من جيبهم عشان يعملوا مسجد يعنى كدا تركيب .. طب هى مالها .. والله يافركشاوى انا وانت مش ناويين نجيبها البر وباين علينا حنروح فى داهيه .. استعد وحضر العيش والحلاوه .. تحياتى
نسيت ... اصل انا اللى فضحت نفسى وعرفت الناس كلها انى منوفي .. يا خيبتك يا فشكول كنت مدارى ولا حد دارى بيك .. اظن يا فركش لو شيلت البوست اللى فى رابطة المنوفيه يبقى كفيت ع الخبر ماجور .. ايه رأيك.. برضه تحياتى

فشكووول يقول...

بتسأل ليه انور السادات احسن رئيس فى تاريخ مصر القريم والحديث وبتقول عارف ليه .. اقول لك يا سيدى

عارف طبعا يا فركش .. عشان منوفى

رابطة هويتي اسلامية يقول...

السلام عليكم ورحمة الله وبركاته

لقد تم نشر توصيات الجلسة الاولى

نرجو زيارة الرابطة للإطلاع عليها

مـجـنـووون يقول...

والله يا غالي حاجه تخنق ، بس هي اسمها جامعة امريكية وطبعا هي بتطبق الديمقراطيه بتعتها علي نفسها بس ولكن لما تلاقي حاجه تخص المسلمين أكيد مش هتعملها

تقبل مروري
مجنووون

ن يقول...

السلام عليكم
معلش يا فركشاوى أنا آسفة بس حبيت أوضح حاجة للأستاذ / فشكول
أوم ايه هما مبنوش مسجد دول يا حرام بنوا حتة يتاوا فيها المدرسين من البرد والحر أصل هما معندهمش مكان لأن المدارس مساحتها ضيقة والناس بدأت تتقى ربنا وبدخل أولادها الازهر أوم ايه يكون عقابهم الوضع لحضرتك شايفة ده ال أنا شوفته بعينى ومحدش قالى عليه.

رابطة هويتي اسلامية يقول...

السلام عليكم ورحمة الله وبركاته

جزاك الله خيراً

بالنسبة لعد متابعة موضوعات الاعضاء والتعليق عليها هذا لأننا كنا فى الفترة الاخيرة مشغولون للغاية فى ارساء قواعد الرابطة واجتماعات المجلس ولكن سنتابع كلنا بالتأكيد جميع الاعضاء وستكون هناك حلقة وصل متكاملة بيننا فهذا من أهم أهداف الرابطة.
انتظر قليلا...سوف تجد التعليقات تنهمر عليك .

بالنسبة للصورة
صح كده ويمكنك أن تضيف لها لينك الرابطة علشان اللى يضغط عليها يزور الرابطة.

الكحيان يقول...

مالك ومال الجامعة الأمريكية يافركش . شكلك ناوي تكون وزير تعليم . الجامعة الأمريكية أعتقد سبب بنائها معلوم وتاريخها معروف . أما مسألة المسجد فمن حقها تمنعه مثل ما منعت النقاب. ومن حقها أيضا أن تلعب في عقول المنتمين إليها وتجعل من الجامعة غرزة يبلبعون فيها جميع أنواع البراشيم والمخدرات ومن حقهم يوزعوا على الطلاب الواقي الذكري - في الاحتفال بيوم الإيدز - وتوصيتهم باستخدامه حتى لا يصيبوا بالإيدز. أي نعم التعليم في الجامعة الأمريكية إمكاناته حلوة لكن الجامعة الأمريكية لم تخرج لنا منذ ثمانين عاما شخصية واحدة تذكر لا في العلم ولا في الأدب ولا في السياسة ولا في البتنجان تفتكر ليه يافركش ؟ يبقى يافركش اعذرني ما جتش بقى على جامع وبعدين الحمد لله الأرض كلها مسجد صل في أي حتة ياأخي متعقدهاش شكلك كده بقيت تبع بنلادن .

عـــفـــراء يقول...

السلام عليكم
ارى ان لا شئ يحتاج لحيرة
ففى زمننا هذا كل شئ متوقع غير قابل لجائز
فلا للاستغراب وليست بمصيبة ان نرى مثل هذا لاننا لا نعد من زمن المعجزات
فكل شئ مباح فعله
حسبى الله ونعم الوكيل ......

دائما ارى فى تعليقك شئ لا افهمة ..!!

خالص تقديرى .....

فشكووول يقول...

ماشى يا منايفه خليتوها هايفه .. والله لو اعرف لك عنوان يا فركشاوى كنت هريتك وعلى العموم هى الجمله مش كدا خد بقى النطق الصحيح للجمله وهى
ماشى يا منايفه خليتوها خل

اقصوصه يقول...

والله ما اعرف بشو اعقب

بعض الكلام ما تقدر تعقب عليه

لانك ما تلقي شي مناسب تقوله

الصدمه تشل لسانك

وما تعرف كيف تعبر

حسبي الله ونعم الوكيل!

اقصوصه يقول...

فركشاوي انا مش زعلانه منك

انا زعلانه بس من تربي الحال

ومن الواقع الاليم اللي نعيشه

انته مالك ذنب!

انته ضحيه..مثلك مثل الجميع:(

أمل حمدي يقول...

نت نزلت البوست دا امتى انا مشفتوش ازاي

المهم ازيك يا فركشاوي

الموضوع النهاردة مفهوم وانا كدا قلقانة

احب اقولك ان كلام ( ن ) كله مظبوط

اصلي ازهرية ومعاصرة كل اللي وصفته

والاكتر من كدا كمان ان الاولاد بيجيبوا

كراسي من بيوتهم علشان مافيش تختة

يقعدوا عليها

تقدر تقولي يا فركشاوي فلوس الازهر فين؟

يالا فركش